大井町日式放題 (已結業)

心血來潮想食放題，於是到大鴻輝開業不久的大井町試試。一入場，發現很多卡位，環境比一般放題店闊落。幾部大飲品雪櫃，款式多元化，有無糖茶、一般汽水、果汁，還有自己斟的果汁，正。刺身款式不少，點了吞拿魚、油甘魚、赤貝、北寄貝、赤蝦、帆立貝、三文魚、希靈魚等。赤貝爽脆有濃濃的鹹鮮味，希靈魚新鮮魚子顆粒卜卜脆而沒有怪味，油甘魚肉質細嫩。整體味道不錯，數量畀得足，唔會嗌左無黎，黎既無嗌既混亂情況。喜歡火炙左口魚邊，輕輕炙後，魚油四溢之餘，不失左口魚肉的彈性，正。燒菠蘿、牛舌、雞翼。牛舌口薄適中，外脆內軟，滿有肉汁，juicy。炸芋丸、榴槤炸彈、炸雞翼，脆卜卜，即點即炸，好香口。海膽手卷，飯量不多，可惜海膽量少了點。兩個大甜品櫃，超多選擇，賣相小巧可愛。芝麻布甸香濃，cream滑溜。芒果布甸有真芒果，細細杯，適合款款都試，眼闊肚窄的的甜品控。少量凍海鮮，如酒店般，螺、蝦、青口，有檸檬、海鮮醬。以Movenpick結尾，滿足。價錢合理，環境舒適，上菜快而準，不錯。