影片
更多
2022-09-20
167 瀏覽
間唔中要對自己好啲😌我自己就好enjoy係主打omakase嘅日本餐廳食席前lunch set，可以以相宜嘅價錢食到新鮮刺身壽司，又可以欣賞師傅手勢，服務又貼心❤️係一個好好嘅享受☺️今次就嚟到銅鑼灣呢間舍Homakase，佢哋推出咗個期間限定Lunch Seasonal Special套餐，$380就有前菜、溫泉蛋、9貫壽司、卷物、玉子燒、湯、甜品或咖啡，非常豐富🤩🤩而家叫lunch set仲可以以優惠價$70加配拖羅手卷，性價比幾高，好適合附近返工嘅人士或者間唔中想enjoy下傾下計嘅人👍🏻👍🏻溫泉蛋、沙律溫泉蛋蛋黃色澤鮮明好吸引🍳浸住酸酸甜甜嘅醬汁食，幾開胃。沙律好新鮮，除咗classic嘅柚子醋之外，面頭仲灑上炸蒜，令到沙律清爽得嚟帶點香口感覺😗壽司9貫左口魚邊壽司壽司先用左口魚邊作開端，配上即刨嘅青柚子皮，食落帶柚子獨特澀味，好refreshing😍估唔到左口魚唔係炙燒，用呢種處理方法都好食。北海道活帶子壽司清清地，食到帶子本身嘅鮮甜味。網辣真鯛壽司壽司飯加上青辣椒，燒過嘅真鯛帶煙燻味，軟滑嘅魚肉加上獨特嘅煙燻味，好食😋😋秋刀魚壽司煎秋刀魚就見得多，刺身嘅食法較為少有，口感出奇地
溫泉蛋、沙律
溫泉蛋蛋黃色澤鮮明好吸引🍳浸住酸酸甜甜嘅醬汁食，幾開胃。沙律好新鮮，除咗classic嘅柚子醋之外，面頭仲灑上炸蒜，令到沙律清爽得嚟帶點香口感覺😗
壽司9貫
左口魚邊壽司
壽司先用左口魚邊作開端，配上即刨嘅青柚子皮，食落帶柚子獨特澀味，好refreshing😍估唔到左口魚唔係炙燒，用呢種處理方法都好食。
北海道活帶子壽司
清清地，食到帶子本身嘅鮮甜味。
網辣真鯛壽司
壽司飯加上青辣椒，燒過嘅真鯛帶煙燻味，軟滑嘅魚肉加上獨特嘅煙燻味，好食😋😋
秋刀魚壽司
煎秋刀魚就見得多，刺身嘅食法較為少有，口感出奇地軟滑，好特別。加少少薑蔥豉油，香口嘅味道係口腔縈繞不散。
深海池魚壽司
池魚質感爽彈，面頭配三星漬，味道鹹香。
手釣池魚壽司
第一次聽手釣池魚🎣幾特別，薑蔥味好香濃。
熟蝦壽司
蝦肉口感爽彈，味道香甜。
醬油漬赤身壽司
赤身好鮮甜，而且口感好軟腍。
北海道根室市海膽
壽司環節以北海道根室海膽做總結🥳海膽呈橙黃色，鮮甜味極之濃郁甘香，口感creamy，面頭灑上紫菜碎，少許鹹香令到海膽鮮味更突出，一啖啪落口好滿足😽😽
拖羅手卷
套餐加$70就有呢個拖羅手卷，有拖羅蓉，天婦羅麵衣，蔥，師傅仲會燒一燒吞拿魚皮，將魚油滴落手卷度，令到手卷食落油脂豐腴帶魚油香。要讚一讚個紫菜好夠脆！👏🏻👏🏻好多時去同類型餐廳食卷物時紫菜好容易淋咗，呢度就無呢個問題，唔會影響整體口感。
玉子燒
熱辣辣，食到好香蛋味又甜甜哋，質感比起蛋糕更軟熟，簡單嘅美味。
湯
麵豉湯用咗白面豉同赤麵豉調配而成，飲落好香，配料有紫菜、菇、豆腐同香蔥，食完壽司飲返碗暖笠笠好正。
甜品或咖啡
雪糕有士多啤梨、豆腐、杏仁咖啡等幾款口味選擇，杏仁咖啡味☕️呢款咖啡味香濃，有啲杏仁粒粒增加咬口。幾欣賞呢度會預先冰過隻碗，食嘅時候雪糕冇咁易溶❤️❤️
人均消費：$450
推介指數（10分為滿分）：8.5分
張貼
