川川辣辣

營業中

休息中

Badboy喺天水圍做完嘢就等埋朋友一齊食個飯先返家。揀咗呢間有酸菜魚食嘅川菜餐廳，不過badboy今次最想食嘅係炸饅頭😆。-黃金炸饅頭$48炸饅頭真係好正😃點可能唔點？開頭以為$48得3、4舊，原來呢度嘅炸饅頭係mini版，有成8舊咁多。饅頭外層炸得脆，蘸練奶就好好食😋。-酸菜魚(例)$178朋友都幾鍾意食辣，所以我哋揀咗中辣，諗住揀例牌會細兜啲，但都幾多魚，兩個人食啱啱好。無魚骨，魚肉大大舊食到魚肉味，肉質挺實。-手撕包菜$58呢碟炒得幾有鑊氣，預料之外好食，又香口又爽甜。-川式口水雞$68都幾大份有半隻雞？唔算好辣，肉質比較實淨。-菠蘿梳打水$24酸酸地幾開胃，朋友唔太鍾意飲咁甜，侍應都好好話可以糖漿落少啲。-凍招牌奶茶$20凍奶茶幾香滑，係港式奶茶味。