影片
更多
2013-07-19
161 瀏覽
數月前喺新都城二期看到貼有”吉豚屋”既裝修舖位，滿心歡喜，心想…終於唔駛搭車外出都可以吃倒吉列豬了！等下又等… 等下又等，終於等倒店舖開張了！今晚又在頭痛到底食乜既時候，倒不如就去下呢間等了好一段時間既吉豚屋啦！ 去到食店時8時未夠，不用等位就被安排入座了，餐牌好簡單，畢竟主要吃吉列定食，款式不多，主要係吉列豬扒定食﹑吉列雞定食﹑吉列蝦配豬既定食﹑吉列豬或雞飯配咖哩汁或和風燒汁五類，而當中吉列豬扒定食及吉列豬扒咖哩飯有幾個不同份量供選擇，正常既吉列豬扒定食係一塊120g既豬排，另有一個重量級既係2塊80g，即共160g。而配咖喱汁同吃既有三個選擇，分別係最輕量級既一塊80g，跟住係一塊120g及最 heavy既兩塊80g吉列豬扒，其實佢好似日本食店咁用咩”竹”呀”松”呀講呢啲份量，但我唔記得左。最後我地決定點吉列豬扒定食同最重量級既兩塊吉列豬扒咖哩飯。 我點既吉列豬扒定食先上，每份定食包括一碗野菜豬肉味噌湯﹑一碗珍珠米白飯同埋有椰菜絲墊底，枱頭有沙律醬俾你伴椰菜絲吃，不過呢間既菜絲雖然爽脆，但好嚡口，同埋好乾，冇新鮮菜好 fresh嗰種汁標出嚟，味道同平時食開既大戶屋冇得比。而個湯望落
去到食店時8時未夠，不用等位就被安排入座了，餐牌好簡單，畢竟主要吃吉列定食，款式不多，主要係吉列豬扒定食﹑吉列雞定食﹑吉列蝦配豬既定食﹑吉列豬或雞飯配咖哩汁或和風燒汁五類，而當中吉列豬扒定食及吉列豬扒咖哩飯有幾個不同份量供選擇，正常既吉列豬扒定食係一塊120g既豬排，另有一個重量級既係2塊80g，即共160g。而配咖喱汁同吃既有三個選擇，分別係最輕量級既一塊80g，跟住係一塊120g及最 heavy既兩塊80g吉列豬扒，其實佢好似日本食店咁用咩”竹”呀”松”呀講呢啲份量，但我唔記得左。最後我地決定點吉列豬扒定食同最重量級既兩塊吉列豬扒咖哩飯。
我點既吉列豬扒定食先上，每份定食包括一碗野菜豬肉味噌湯﹑一碗珍珠米白飯同埋有椰菜絲墊底，枱頭有沙律醬俾你伴椰菜絲吃，不過呢間既菜絲雖然爽脆，但好嚡口，同埋好乾，冇新鮮菜好 fresh嗰種汁標出嚟，味道同平時食開既大戶屋冇得比。而個湯望落去好足料，有紅蘿蔔絲﹑洋蔥﹑同埋肉，但正正因為好足料，所以我唔敢飲(純粹本人偏吃)，老公代飲，佢話味道唔錯，而嗰塊係三文魚肉喎… (諗起會讓我唞唞！)到食我既主角吉列豬扒，望落去賣相唔會讓人嘩一聲，但食落去個口感都唔錯，好鬆化下，點豬扒汁同芥末都OK，好好送飯。
跟住到重量級咖哩吉列豬扒飯嚟嘞！呢個真係讓人“嘩！”好大份呀！唔止因為有兩塊吉豬，仲有佢個飯同啲咖哩汁都極多，見到都已飽呀！咖哩汁比平時食開既日式咖哩稍為深色左啲啲，但味道相當唔錯，而塊豬扒可能係 80g，細塊啲冇咁厚，啲肉食起嚟實啲，我自己就冇咁鐘意，反而老公話好味啲喎！不過個份量實在大，而老公又幫我飲左個湯，所以超飽同食唔哂啲飯呀！每個餐都可以加HK$6有飲品，如可樂﹑奶茶咁，我地點左一杯巨峰提子乳酸特飲，不過好流，唔好飲，可以慳番！另外加HK$ 9跟定食既野菜湯又可以變大，鐘意飲湯既朋友可以考慮。
佢有下午茶餐牌，其中有我好鐘意既吉列豬扒三文治，下次放假去食先！
張貼
