吉豚屋吉列豬扒專門店 (已結業)

2025年2月14 晚上黎食，可能人手唔夠，都要等下，見到全部員工都好到踢晒腳，其中一個最後生既樓面，好想表揚下佢，因為完全唔夠人手，派飛，叫飛，落單，捧餐，執枱，執外賣，埋單，全部都要做，其他員工都好忙，大家都好盡力serve 客，後生女仔全程都好好態度，控場做得幾好，每個task 都盡力做，盡力滿足客人，講返食物，當然係一如以往既好味，建議餐廳放返派飛機係門口，同埋QR code 落單，應該可以減輕人手不足問題…查看更多

職員態度差又惡劣😑，上餐又很慢，要杯熱水職員非常膚蜆了事最後也欠奉，食物質素較差又唔熱，而湯則非常咸故所以性價比極低. 附近有很多美食的肯定下次不會再來了(服務費是白付的!)…查看更多

巳經食過幾次,每次都覺得好好食食物係即叫即整,所以炸物出到黎都好好食~溫泉蛋滑蛋吉列豬扒丼飯配唐揚炸雞配椰果荔枝茶抵食又好食!滑蛋吉列豬扒唔熱氣唐揚炸雞炸得剛剛好椰果荔枝茶好飲~吉列雞扒壽喜燒牛肉丼都係好食!吉列雞扒脆卜卜,壽喜燒牛肉甜甜地好食…查看更多

新都城商場最角落位有間日式豬扒專門店，呢間日本出名平民食店，開咗好耐每次入去食都係坐滿人，証明實力有幾隱陣牛舌吉列豬扒定食$85牛舌有牛味，口感軟腍有咬口，豬扒肉質唔係特別嫩滑，正常口感。份量充足雞扒牛肉壽喜燒鍋定食 $75牛片生熟剛好，雞扒肉質都大塊，份量好充足，醬汁餸飯一流個湯太咸，飲咗一啖飲唔落去最好食係個炸蠔$45 即叫即炸，生蠔都新鮮，配沙律醬勁好味總括肉質不是嫩滑那種口感，但不會overcook，勝在份量夠，又坐得舒服。…查看更多

#小秘書 #演唱會後群症 發作，返屋企沖個涼、再執吓啲相已經係凌晨三點💤 成晚輾轉反側… 人在家、心仲喺 #亞博 😆 成晚失眠，唯有早啲起身，清理吓凌亂嘅書枱同房書間，比自己放吓電😉 搞搞吓時候都唔早，朋友仔原來已經一早到咗😅 我只好嗱嗱臨換件衫就出發🚕本來諗住簡簡單單食個 #下午茶 就算嘅我，但係有人就話點都要有啲飯氣先至夠飽肚，仲話突然好想去 Ca-Tu-Ya 吉豚屋 吉列豬扒專門店 食 #炸豬扒 🐽 一向就得人嘅我，梗係唔會say No… 不過對呢餐就真係有啲失望😏 我叫嘅 #吉列雞扒牛肉壽喜燒鍋定食 份量都唔少，不過配套就認真要改善😅 飯碗擺到埋嘴邊先發現有一角崩咗，為咗唔想𠝹親個咀，我只好硬着頭皮要求換過… 冇諗過師傅居然喺我面前，就咁將碗飯直接倒落另一個碗就算，咁無儀態都得嘅？ 而 #壽喜鍋 上面嘅 #雞蛋 上枱嘅時候已經熟透，似乎同餐牌上嘅照片係兩回事😅 主角 #吉列雞扒 口感亦不似預期，咬落去一大層肥膏、肉嘅氣味仲有啲怪😏 … 所以最終我都只係飲咗個湯，成盤食物嘥晒😝－向勝價比高嘅 #吉豚屋 似乎有啲失手😅 難怪星期日嘅下晝時間都坐唔到3成食客啦😏📍 吉豚屋吉列豬扒專門店 (將軍澳)欣景路8號新都城中心二期2樓2006-07號舖…查看更多

午餐時間路過見好一段時間冇食過吉列嘢，一於搵個位祭祭五臟廟～ 滑蛋豬扒飯（竹）* 食咗幾啖之後先記得影相。。。（竹）係這𥚃嘅意思是大份豬里脊肉、有120g，落單後等咗約15分鐘碗蓋飯終於上枱，賣相合格，但令人最差異嘅係成碗飯（無論豬里脊肉、滑蛋同飯）全部都只係室溫微暖的。。。同期待中熱辣辣嘅體驗簡直係一個天同一個地。。。問題相信在於日式醬油芡汁係hea落、同啲吉列豬扒係事先炸好放咗一排貪方便？～ 財運亨通吉列咖喱飯屬新春雜錦飯，內容有豬扒、豬柳、雞扒、蝦同壽喜燒牛肉。入口又係唔夠熱度的問題。。。比滑蛋豬扒飯熱小小。。。日式咖喱汁味道一般般。。。典型香港師傅仔hea 住煮嘢嘅連鎖式快餐。。。重要收加一。。。真心市面上大把好選擇、放棄吧。。。！相信唔會再有興趣幫襯。。。…查看更多

落左單等左廿分鐘先上第一個餸，跟著再等十分鐘發現遲過落單嘅都到哂。舉手舉勁耐都冇人望，嗌到人過嚟先發現原來落漏哂其餘4個餸。問佢做咩事又唔講，追問先知冇落到單，幫我地落單嗰個仲要係經理。最後竟然係嗌條𡃁嚟解決，莫講話對唔住，連唔好意思都冇。廚房同店面情況極度混亂，毫無章法。極差！。 …查看更多

18：00係外賣平台叫左兩個吉豚飯，等到19：40先整好，外賣員都換左幾個唔再等...結果20：00先送到，所以除非係自己拎或堂食，如果想用外賣平台叫晚餐，最好12：00好叫定🤣…查看更多

星期日晚特登過去食吉列豬扒，安排咗坐近門口直入角落位，坐低幾分鐘後落咗單，等咗20分鐘見隔離枱遲過我落單都送咗餐，問個侍應，侍應話冇炸蝦，心諗你唔早啲講，然後佢就行開，心諗咁係咪即係整緊呀！過一陣時應攞罐可樂過嚟，我哋話冇嗌汽水，然後行開攞咗兩張單過嚟，問我哋嗌咗乜？我講咗兩個餐no.佢聽，佢冇反應，突然有隻小強喺枱側邊行出嚟，佢又冇反應，我哋示意枱面有小強然後決定離開，門口收銀問我哋做乜嘢走，我哋答佢係咪要報食環呀？睇番以前啲post都係有小強，呢間店D衛生好有問題！…查看更多

吉豚屋有好多分店, 我亦都經常食,因為真係CP 值好高, 每個定食都唔過$100,都係$60-80內可以食到, 係日本吉列既水準, 炸得鬆脆, 炸物表面唔會油香港地付出$60-80, 想食正宗吉列豬扒定食,應該無一間可以做到吉豚屋咁接近日本味道,口感同做法! 其他食吉列豬扒既餐廳, 起碼一定要過$13X先有得食啦!今日選擇寶琳分店去食同留上食評! 平時我都係食吉列三重奏定食(蝦, 豬柳, 黃金豚肉餅)為主, 今日想試下新配搭!吉列豬扒+雞扒定食 - $82朋友點的, 豬扒&雞扒外脆內嫩，炸粉不厚, 咬落鬆脆,份量充足, 配上炸豬扒醬, 酸酸甜甜送飯一流!吉列雞扒拼牛燒肉定食 - $69牛燒肉就可以唔試, 牛肉重雪味, 雖然唔鞋, 但折扣大減, 吉豚屋都係食返炸物好!:)吉豚屋除左炸物出式, 我認為配上麵豉湯 (野菜豚肉湯)唔係死咸, 因為有用豚肉,洋蔥同紅白蘿蔔一齊煮, 麵豉湯底會帶清甜另外, 白飯係用日本米，每一粒都飽滿，好香飯味! 另外椰菜加配上日式芝麻醬, 不過椰菜的確係無百幾蚊既定食咁爽甜, 但記住付出$60-80!!!已經好高質! 不過餐廳環境就一般, 但食物質素搭夠!!…查看更多

一行四人，每人叫咗一個餐，分別是吉列豬扒飯，滑蛋吉列雞扒飯，壽喜燒肥牛豬扒飯，吉列炸蝦飯。除咗吉列豬扒飯還可以，其他一個字，咸～～～真是太。間鋪開咗咁耐，第二次幫襯，絕對冇第三次了。…查看更多

專食炸豬扒的專門店，雖然選擇比較單一，但係質素都好好，價錢又唔貴，值得一去再去。入到去環境都舒服的，豬扒外脆內嫩，份量充足。一定夠豬扒配晒成兜飯，同場加映啲牛肉都唔錯。…查看更多

好食既日式吉列豬扒飯真係好難係香港食到，因為好多間餐廳都炸成唔係日式既style但自從為食貓食過吉豚屋既炸豬扒後，就返唔到轉頭，係日本既感覺竟然返哂黎(由於疫情既關係，為食貓多數叫外賣做晚餐)吉列炸蝦豬扒便當(5/5)佢既炸法同日本既差唔多，外面好鬆脆，但炸粉又唔算多，而入面塊豬扒夠哂juicy，一d都唔靭，肉質唔錯另外個炸蝦都幾大隻，完全唔係個d出面炸粉多，入面蝦細既整法而個便當會跟埋椰菜絲，可以配芝麻同沙律醬食，好有日本feel呀最後，個飯採用日本米，豬扒配豬扒醬，再撈埋飯，真係好容易令人不自覺食哂成個飯不過，為食貓之前叫外賣個幾次，餐廳係會比一包包既醬，今次竟然比細細個圓盒既，完全唔夠點，加上今次d飯又少左一半:(希望可以改善下，而唔係為左慳錢啦但總括黎講，呢個價錢食到呢種質素既食物真係好唔錯有時食百幾蚊既餐都未必有呢個級數…查看更多

今日放假難得晏少少起身，食完早餐通常都係會skip 個午餐，做完私人野去新都城行吓，順便搵個下午茶 hea，無意中發現呢間「吉豚屋」嘅下午茶非常非常抵食，入去試試睇下質數如何🤔平日下午茶1400-1800，周六日就14:45-1715，價錢由$38-$50包飲品，唔只汽水咖啡咁簡單，仲有幾款特飲選擇，冷熱都得，另外仲可以用$5追加一件炸蝦，呢個價錢真係冇嘢講😍😍😍🔻吉列豬扒定食豬扒大大件，面包糠面非常鬆脆，豬扒肉亦非常嫩，炸蝦都一流，味噌湯味道亦唔錯，裡面仲有豬肉片，加埋杯炭燒咖啡全 set都係 $45，真係冇嘢講😃🔻鐵鍋唐揚炸雞咖喱烏冬咖喱烏冬個湯底好香濃，裡面仲配有薯仔、洋蔥、紅蘿蔔及豬肉片，雞件炸得香脆肉嫩，呢個 set仲平啲只係$40，好過自己煮🤣呢度嘅下午茶真係抵食到不得了，而且份量唔少，食完佢真係晚飯都可以食啲水果就算😅…查看更多

又到下午茶時間一人叫一個set平時都覺得幾抵食，所以食過好多次🤣但係今次唔知係咪師傅唔同咗😅食過咁多次啲炸雞都唔會咁細舊（影呢張相係未開始食架）烏冬份量都小咗🥲連啲配料都小咗😅••••••••••••••••••••••••••••••炸雞皮薄又香口炸蝦皮厚身啲，都好食嘅不過份量小咗咁多未必會成日去lu🔽🔽🔽🔽🔽炸雞烏冬 $40炸蝦烏冬 $45再加一🔼🔼🔼🔼🔼…查看更多