影片
更多
2024-03-13
16 瀏覽
尖沙咀居酒屋林立，有同事介紹响寶勒巷有間叫Heaha Heaha 嘅樓上居酒屋，話啲嘢抵食性價比高，今晚就去試吓Menu好多選擇花多眼亂，生嘅熟嘅煮物燒物都叫啲試吓🌟帆立貝刺身由北海道直送，爽口鮮甜，新鮮度足🌟原隻燒雞翼由日本直送，表皮燒到香脆，入面保持肉汁，調味剛好鹹度適中🌟燒雞心就選擇咗汁燒，少少甜加辣粉食好惹味，而且冇一般內臟嘅怪味🌟串燒雞頸肉好爽口，越咬越香有雞味，燒到表皮少少焦香特別好食🌟青椒仔燒完後加上少少木魚絲調味，屬於日式嘅味道🌟燒茄子雖然等嘅時間耐啲，但一上枱嘩一聲，成隻手臂咁長嘅茄子上面鋪滿木魚絲同蒜蓉，好香好惹味，等咁耐都值得🌟牛筋大根味噌煮，牛筋炆到非常腍又入味，加上大根蘿蔔，簡直係絕配🌟燒沖繩豬手做法應該係將豬手炆到又腍又入味，上枱之前用火槍燒香，呢個餸可以話係全晚嘅高潮，因為豬手炆到完全入哂味，表皮再用火槍燒香，果特別好食🌟玉子燒即叫即整，味道偏甜，蛋味勁香🌟最後加個牛肉烏冬，牛肉應該先燒過，然後放到係烏冬入面，湯汁吸收咗牛嘅脂肪香，好濃好好味我哋每人飲咗兩杯大啤，再加上食咗咁多嘢都係大約$1000。果然性價比係高，而且味道都唔錯，下次再約多幾個friend
Menu好多選擇花多眼亂，生嘅熟嘅煮物燒物都叫啲試吓
🌟帆立貝刺身由北海道直送，爽口鮮甜，新鮮度足
🌟原隻燒雞翼由日本直送，表皮燒到香脆，入面保持肉汁，調味剛好鹹度適中
🌟燒雞心就選擇咗汁燒，少少甜加辣粉食好惹味，而且冇一般內臟嘅怪味
🌟串燒雞頸肉好爽口，越咬越香有雞味，燒到表皮少少焦香特別好食
🌟青椒仔燒完後加上少少木魚絲調味，屬於日式嘅味道
🌟燒茄子雖然等嘅時間耐啲，但一上枱嘩一聲，成隻手臂咁長嘅茄子上面鋪滿木魚絲同蒜蓉，好香好惹味，等咁耐都值得
🌟牛筋大根味噌煮，牛筋炆到非常腍又入味，加上大根蘿蔔，簡直係絕配
🌟燒沖繩豬手做法應該係將豬手炆到又腍又入味，上枱之前用火槍燒香，呢個餸可以話係全晚嘅高潮，因為豬手炆到完全入哂味，表皮再用火槍燒香，果特別好食
🌟玉子燒即叫即整，味道偏甜，蛋味勁香
🌟最後加個牛肉烏冬，牛肉應該先燒過，然後放到係烏冬入面，湯汁吸收咗牛嘅脂肪香，好濃好好味
我哋每人飲咗兩杯大啤，再加上食咗咁多嘢都係大約$1000。果然性價比係高，而且味道都唔錯，下次再約多幾個friend一齊嚟食
張貼
