影片
更多
2021-05-30
1115 瀏覽
天氣熱死辣辣，真係冇必要都唔好入廚房，一於落街解決晚餐。接近糧尾梗係要搵啲經濟實惠嘅地方，「金記冰室」係我哋嘅頭號選擇。拎起成本電話簿咁厚嘅餐牌，選擇令人眼花撩亂，三個人來揀二人套餐就唔使諗咁多。二人套餐 $168有齊老火湯、小炒兩味、餐飲等。小炒都有十幾廿款選擇，梗有一款啱胃口。今晚想食得健康啲，揀左兩款清清地嘅小菜XO醬蝦球炒西蘭花 、粟米深海魚柳店員先奉上老火湯「節瓜章魚煲排骨」入口就知冇味精，味道鮮甜，火喉足。「XO醬蝦球炒西蘭花」先試咗隻大蝦，口感爽脆彈牙；西蘭花翠綠爽口，加埋超惹味嘅XO醬，有鑊氣又好味。「粟米魚柳」雖然唔係即炸，但外皮仍然保持少許脆口，但略嫌炸粉厚身，粟米汁都稀咗少少。另外嗌多一個小菜「蜜桃中式牛柳」$88用上酸味味嘅醬汁和香甜蜜桃令人超開胃；洋蔥都吵到剛剛熟入口唔辣，牛柳肉質軟稔可口，酸甜汁令牛肉味更突出，送飯一流。三款小菜份量都夠多，唔使擔心食唔飽夏天就係要凍飲「凍檸賓」居然有五片檸檬咁多，所以飲落去酸味會比較突出,食完飯飲一杯，既幫助消化又解渴。
接近糧尾梗係要搵啲經濟實惠嘅地方，「金記冰室」係我哋嘅頭號選擇。
拎起成本電話簿咁厚嘅餐牌，選擇令人眼花撩亂，三個人來揀二人套餐就唔使諗咁多。
二人套餐 $168
有齊老火湯、小炒兩味、餐飲等。
小炒都有十幾廿款選擇，梗有一款啱胃口。
今晚想食得健康啲，揀左兩款清清地嘅小菜
XO醬蝦球炒西蘭花 、粟米深海魚柳
店員先奉上老火湯
「節瓜章魚煲排骨」
入口就知冇味精，味道鮮甜，火喉足。
「XO醬蝦球炒西蘭花」
先試咗隻大蝦，口感爽脆彈牙；西蘭花翠綠爽口，加埋超惹味嘅XO醬，有鑊氣又好味。
「粟米魚柳」
雖然唔係即炸，但外皮仍然保持少許脆口，但略嫌炸粉厚身，粟米汁都稀咗少少。
另外嗌多一個小菜「蜜桃中式牛柳」$88
用上酸味味嘅醬汁和香甜蜜桃令人超開胃；洋蔥都吵到剛剛熟入口唔辣，牛柳肉質軟稔可口，酸甜汁令牛肉味更突出，送飯一流。
三款小菜份量都夠多，唔使擔心食唔飽
夏天就係要凍飲「凍檸賓」
居然有五片檸檬咁多，所以飲落去酸味會比較突出,食完飯飲一杯，既幫助消化又解渴。
張貼
