金記冰室 (數碼港商場)

今日去數碼港睇戲，順便搵個地方醫肚。金記冰室真係平、靚、正！一行人點了一大堆食物，樣樣都滋味十足，價錢卻非常親民，性價比爆燈！- 豉汁蒸䱽魚**魚肉嫩滑，豉汁惹味，飯都可以食多兩碗！- 咖喱牛腩飯** 牛腩炆得入味又夠腍，咖喱香濃不辣，配飯一流！- 梅菜冬菇排骨煲** 排骨夠肉又不肥膩，梅菜與冬菇味道融合得剛剛好，超下飯！- 金記三文治**雞蛋、火腿、午餐肉、生菜、蕃茄層層疊，色彩繽紛，口感豐富，是拍照打卡與味蕾享受兼備之選！- 菠蘿包**外脆內軟，香氣撲鼻，絕對是港式經典代表！- 是日例湯** 有兩款選擇 - 老火湯（青紅蘿蔔海底椰煲唐排）：清甜滋潤，暖胃又養身！ - 羅宋湯：酸酸甜甜，蔬菜豐富…查看更多

今日同朋友遊車河去赤柱、淺水灣同深水灣，下午茶時間經過數碼港搵食，隨便行入金記冰室，整體唔錯，香港人ge茶記！1.鐵板西冷夠鑊氣，蒜蓉汁香惹味！牛扒煎得嫩，咬落有肉汁，配薯條飽肚，抵食又過癮！2.沙爹牛麵抵食！湯夠濃微辣，公仔麵煮得彈牙，牛肉腍身，鹹香夠味適中。3.特濃羅宋湯牛麵：湯稠香足，茄香味夠，牛肉腍，麵吸湯，暖胃又飽，抵食過癮！4.牛油蛋撻皮鬆化脆口，蛋漿滑溜；葡撻少焦香夠，蛋心更實淨。兩款各有風味，下午茶食啱晒！5.凍奶茶茶底夠濃醇，滑溜唔澀，奶香茶香平衡得好；凍檸茶檸味夠勁，酸甜解膩，冰涼好飲！下次一定會再嚟！good 😊💯…查看更多

數碼港返工嘅朋友，應該都成日食金記冰室！平時我同細佬去大口環複診嘅時候，都會去呢度食午餐！🌟 鮮茄濃汁焗厚切豬扒飯即叫即焗嘅鮮茄濃汁焗豬扒飯，一上枱見到面頭層芝士同鮮茄濃汁焗到金黃色！大大塊豬扒又厚又鬆化，焗飯係用蛋炒蛋底，加埋鮮茄濃汁，酸酸甜甜好開胃，撈飯一流！🌟 開心果葡撻食完飯食返個開心果葡撻，喺傳統葡撻上面鋪滿開心果碎，入面就有開心果醬，咬落去嘅酥皮好脆，燉蛋好滑溜，滿滿嘅堅果香！🌟 凍檸樂食到飽飽滯滯，最啱就係叫返杯凍檸樂，消暑解渴！…查看更多

金記雜扒炒飯真是一個驚喜！飯粒炒得乾爽，每粒都吸滿鑊氣，配上蝦仁、叉燒同青椒，味道層次豐富，略為油膩但好香口。紅豆水清甜解渴，帶點淡淡紅豆香，飲完好舒服，夏天飲一流！XO醬蝦球炒西蘭花超讚，蝦球爽彈，XO醬辣中帶鮮，炒得西蘭花脆口又唔過熟，調味啱啱好，令人停唔到口。凍檸檬可樂夠凍夠爽，檸檬味清新，解膩一流，飲落好醒神。不過，雜扒炒飯份量稍多，兩人share會更好。整體嚟講，呢餐飯味道同質感都好出色，性價比高，值得一試！下次想試吓其他炒菜，應該都唔會失望，唔記得咗提今次餐廳員工服務非常之好，可以再食…查看更多

經典老字號金記冰室，在代表新時代和科技的商場下別有一番風味。牛扒厚切，鐵板滋滋熱辣上枱，煎得外焦內嫩，肉汁鎖得住，牛肉香濃郁，咬落juicy又彈牙薯條外脆內軟，正宗茶餐廳味老火湯足夠料入味蒜茸汁香氣撲鼻，蒜味濃郁但唔嗆，襯托牛肉嘅鮮甜，食落層次更豐富五成熟的口感帶有淡淡血水，入口滿是牛肉的濃郁鮮香紅豆煮得軟糯香甜，配冰涼嘅糖水同牛奶，入口順滑清涼，甜度啱啱好，仲有隱約嘅椰香，解膩一流！經典茶餐廳味！…查看更多