龍城冰室

營業中

休息中

平時係公司附近食晏多數都會去龍城冰室，貪佢抵食夾大件。但honey唔係返觀塘所以冇機會食到我口中話好好味嘅瑞士雞翼，趁着行銅鑼灣有分店就同佢去食一次lunch喇！瑞士雞翼撈麵份量都幾多，配搭上奶油豬仔及炒蛋，次次都食到飽飽的！奶油豬仔包烘得超脆，鍊奶又夠多，百吃不厭呀！炒蛋香滑而且半生熟，係我最愛呀！重點瑞士雞翼味道係一百分，雞翼又夠大隻，啖啖肉。今次撈麵既汁都幾多，非常完美！除咗常餐，黎港式茶餐廳梗係要食雜扒飯啦。紅酒燒汁雜扒飯有牛扒、豬扒、煙肉及腸仔，真係食肉獸專利呀！哈哈！最抵死嘅塊扒唔會薄過紙，入口口應豐富，肉質又夠軟稔！久違了既雜果賓治，非常多生果！酸酸甜甜，岩哂今日熱辣辣既天氣飲呀！