影片
更多
2023-11-20
4324 瀏覽
母親大人生日帶兩老嚟到銅鑼灣柏寧酒店食自助餐🫶🏻咁啱做緊大閘蟹主題，都真係冇令人失望☺️首先每張枱每人會有兩隻清蒸大閘蟹🦀行出去仲有唔少大閘蟹入饌嘅嘢食👍🏻例如蟹粉海皇燕窩羹、蟹粉拌麵、蟹粉蒸蛋白、蟹粉炒年糕等🤤冷盤海鮮都有驚喜，可以不斷出去攞龍蝦、愛爾蘭同法國生蠔🤤刺身方面除咗有我必食嘅三文魚，仲有油甘魚同帶子等等，質素都唔錯👍🏻日本冷盤來講比一般酒店自助餐比較加分嘅係，唔止得普通嘅握壽司，仲會有冷烏冬、麻醬豆腐、螺肉、海草沙律、花之戀、卷物等等🫡中式菜方面，除咗有燒味同點心，比較深刻嘅係佢有個黑蒜頭桂圓紅棗燉雞湯，酸甜松子魚，質素都唔錯。另外自助餐唔少得嘅肉食，都想俾個好評👍🏻佢嘅法式寶雲酥羊架真係非常好，唔會好似出面好多時候食到嘅羊架醃到好鹹，恰到好處。美國燒牛肋骨同香草烤雞都正常發揮☺️Cold cut同沙律吧種類都幾多，介紹都幾清晰，都食得出係新鮮。有驚喜嘅係海鮮燒烤，有蒜蓉牛油烤帶子、照燒魷魚、香辣蝦、泰式烤青口、蜜糖烤三文魚，不斷不斷refill🥹最難搶嘅就係焗蠔！真係好好食！甜品同生果都非常正🥹🥹軟雪糕機有乳酪同伯爵茶味🤤Gelato都有特色味道！茅台、榴槤、紅桑莓、抹茶麻
首先每張枱每人會有兩隻清蒸大閘蟹🦀行出去仲有唔少大閘蟹入饌嘅嘢食👍🏻例如蟹粉海皇燕窩羹、蟹粉拌麵、蟹粉蒸蛋白、蟹粉炒年糕等🤤
冷盤海鮮都有驚喜，可以不斷出去攞龍蝦、愛爾蘭同法國生蠔🤤刺身方面除咗有我必食嘅三文魚，仲有油甘魚同帶子等等，質素都唔錯👍🏻日本冷盤來講比一般酒店自助餐比較加分嘅係，唔止得普通嘅握壽司，仲會有冷烏冬、麻醬豆腐、螺肉、海草沙律、花之戀、卷物等等🫡
中式菜方面，除咗有燒味同點心，比較深刻嘅係佢有個黑蒜頭桂圓紅棗燉雞湯，酸甜松子魚，質素都唔錯。另外自助餐唔少得嘅肉食，都想俾個好評👍🏻佢嘅法式寶雲酥羊架真係非常好，唔會好似出面好多時候食到嘅羊架醃到好鹹，恰到好處。美國燒牛肋骨同香草烤雞都正常發揮☺️
Cold cut同沙律吧種類都幾多，介紹都幾清晰，都食得出係新鮮。有驚喜嘅係海鮮燒烤，有蒜蓉牛油烤帶子、照燒魷魚、香辣蝦、泰式烤青口、蜜糖烤三文魚，不斷不斷refill🥹最難搶嘅就係焗蠔！真係好好食！
甜品同生果都非常正🥹🥹軟雪糕機有乳酪同伯爵茶味🤤Gelato都有特色味道！茅台、榴槤、紅桑莓、抹茶麻糬、椰子同雙重朱古力脆❤️佢哋嘅自家甜品，蛋糕同mousse都幾高質素。但係特別想推介嘅係芒果系列嘅兩種甜品，就係芒果拿破崙同埋楊枝甘露布甸，大推❤️
想要咖啡或茶可以同佢哋嘅侍應講，仲有啲熱飲，例如紅棗茶可以自己斟✨特別想講佢哋有個台式茶比你自己配搭，蜂蜜爆珠、愛玉同埋黑糖寒天晶球，兩款台式茶分別係：蜂蜜荔枝蝶豆花茉莉茶同蜂蜜水蜜桃水果茶，說真的，真係試試就好🙈
環境空間都尚算闊落，不過冇諗到星期一都咁多人🙈生日壽星佢會送一件芝士蛋糕，不過講真出面拎嗰啲甜品其實仲好食😂
今次有用到買二送一嘅優惠，埋單大概$1700，算係唔錯嘅一次用餐體驗☀️
張貼
