影片
更多
2022-09-01
1194 瀏覽
好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗呢間店嘅下午茶做到6點，時間上可以係early dinner，今次試咗4款，每款都會有飲品，我哋買外賣。🍴馬來炒貴刁（$78）打開時熱辣辣，好香，用料都幾足，有頗多蝦肉、魷魚、亦有幾片豬肉臘腸，芽菜係比較肥嘅，即係用咗怡保肥仔芽菜。貴刁顏色比較深，應該用咗甜醬油炒，鑊氣十足，貴刁炒到一條條，炒得好好。一食落去，比想像中辣，如果唔食得辣嘅朋友應該會覺得辣，但對我嚟講係好惹味，呢個係好好食！🍴地道老鼠粉（$62）呢個同樣用料十足，有勁多肉碎，仲有魚乾仔、菜脯、炸花生、雞蛋，用咗叁巴醬去炒銀針粉，好惹味，雖然呢個同炒貴刁一樣都係顯示有一隻辣椒，不過相比下就冇咁辣，我覺得炒貴刁應該要轉為兩隻辣椒會比較反映到實際味覺。呢個一定要快D食，因為外賣關係，已經會比起響店食凍咗少少，如果唔襯熱食，就會比較油膩。🍴海南雞飯（$68）佢嘅雞好入味亦都非常滑，雞本身比較肥美（所以個皮下面會有層油，怕肥嘅就自行決定食唔食），個油飯都比起其他店食到嘅深色少少，夠入味，飯亦粒粒分明有咬口，配足3種醬料，不過因為雞本身夠味，唔點醬食都已經好好味，呢個幾唔錯。🍴串燒拼盤
回頭指數 ⭐️⭐️⭐️⭐️
開心指數🤗🤗🤗🤗
呢間店嘅下午茶做到6點，時間上可以係early dinner，今次試咗4款，每款都會有飲品，我哋買外賣。
🍴馬來炒貴刁（$78）
打開時熱辣辣，好香，用料都幾足，有頗多蝦肉、魷魚、亦有幾片豬肉臘腸，芽菜係比較肥嘅，即係用咗怡保肥仔芽菜。貴刁顏色比較深，應該用咗甜醬油炒，鑊氣十足，貴刁炒到一條條，炒得好好。一食落去，比想像中辣，如果唔食得辣嘅朋友應該會覺得辣，但對我嚟講係好惹味，呢個係好好食！
馬來炒貴刁
$78
35 瀏覽
0 讚好
0 留言
🍴地道老鼠粉（$62）
呢個同樣用料十足，有勁多肉碎，仲有魚乾仔、菜脯、炸花生、雞蛋，用咗叁巴醬去炒銀針粉，好惹味，雖然呢個同炒貴刁一樣都係顯示有一隻辣椒，不過相比下就冇咁辣，我覺得炒貴刁應該要轉為兩隻辣椒會比較反映到實際味覺。呢個一定要快D食，因為外賣關係，已經會比起響店食凍咗少少，如果唔襯熱食，就會比較油膩。
地道老鼠粉
$62
24 瀏覽
1 讚好
0 留言
🍴海南雞飯（$68）
佢嘅雞好入味亦都非常滑，雞本身比較肥美（所以個皮下面會有層油，怕肥嘅就自行決定食唔食），個油飯都比起其他店食到嘅深色少少，夠入味，飯亦粒粒分明有咬口，配足3種醬料，不過因為雞本身夠味，唔點醬食都已經好好味，呢個幾唔錯。
海南雞飯
$68
25 瀏覽
1 讚好
0 留言
🍴串燒拼盤（$68）
雞肉、大蝦同魷魚鬚各兩串，呢個唔算好食，雞肉本身醃料係okay 嘅，不過因為比較細串，亦都應該燒得太耐，令到肉質勁乾勁嚡；大蝦冇醃到，同樣地都係燒得耐，勁乾；魷魚鬚當然有同樣問題，因為好細條亦過火，好似咬緊橡筋咁！不過個醬係幾好味嘅，平時嘅串燒醬比較黃色，花生味會好重，呢款醬係深啡紅色，係好惹味嘅香辣味，可惜佢都救唔返作為主角嘅串燒。
串燒拼盤
$68
20 瀏覽
0 讚好
0 留言
🍴凍桔仔話梅水（跟餐）
呢個最好飲，桔仔同話梅味都好夠，酸酸甜甜勁開胃，啱晒夏天飲，飲到最後仲可以食埋粒話梅，正！
🍴凍手工拉茶（跟餐）
拉茶好滑，茶味奶味濃郁，唔錯。
🍴香茅青檸荔枝梳打（跟餐）
見到杯入面有好多薄荷葉，諗住好正啦，點知一飲，勁淡，嗒咗好多啖先飲到淡淡嘅香茅味，荔枝味係有嘅但都好淡，只係飲到有丁點味加梳打水，我覺得至少要增味50%先得！
整體上呢度嘅下午茶係好抵食，份量好足，唔似有D下午茶咁勁細份，職員嘅態度都好好，本身我哋想叫主餐牌嘅雞肉串燒，同樣$68得4串雞，因為我哋冇睇清楚原來下午茶餐有同類嘅嘢，職員建議我哋可以考慮叫下午茶餐嘅串燒拼盤，有多兩款多兩串仲有杯嘢飲，我哋就轉咗，雖然最後串燒係唔好食，但職員嘅待客之道係值得讚嘅。
張貼
