影片
更多
2022-01-02
447 瀏覽
早幾日天氣真係好凍又係打邊爐嘅日子🤣呢間火鍋店長期都full要book真係要提早打去約🥰呢排一鍋堂仲同金寶湯合作最近推出兩款金寶湯底都好吸引佢有3個plan選擇我哋今次就揀左$238果個plan自助區除左有醬料飲品之外仲有多款熱盤冷盤選擇火鍋配料款式都超多🔸熟食湯底未嚟之前可以先去自助區到拎熟食，我哋就拎咗黃金炸魚皮同麻辣雞腎，魚皮炸得好香脆，亦好香咸蛋黃味，麻辣雞腎好香麻辣味，雞腎亦好好咬口👍🔸湯底我哋今次簡咗鴛鴦湯底，包括金寶湯系列嘅蕃茄羅勒湯底同埋檳城喇沙湯底。蕃茄羅勒湯好濃蕃茄味，酸酸甜甜非常之開胃，喇沙湯底就比較重椰奶味，亦都有少少辣，不過十分之惹味🤣🔸精選肉類$238呢個plan多咗幾款肉可以叫，我哋每款都有叫嚟試吓🤣牛脷心托第一次食，食落似薄身嘅牛脷，口感好爽好彈牙，輕輕鬆鬆食哂一盤😋封門柳就最重牛味，切得都較薄身所以食落唔會好韌，將封門柳放入蕃茄湯底好夾，酸酸哋嘅蕃茄味更能突出封門柳嘅牛味🤩美國安格斯精選牛板腱就比較大片，肉質好juicy，都係必食之選。西班牙粟飼豬肥瘦好平均，非常出色👍🔸海鮮打邊爐梗係要食吓海鮮，今次就叫咗鮮蝦串，一份有六串，鮮蝦大大隻，十分鮮甜，肉質
又係打邊爐嘅日子🤣
呢間火鍋店長期都full
要book真係要提早打去約🥰
呢排一鍋堂仲同金寶湯合作
最近推出兩款金寶湯底都好吸引
佢有3個plan選擇
我哋今次就揀左$238果個plan
自助區除左有醬料飲品之外
仲有多款熱盤冷盤選擇
火鍋配料款式都超多
🔸熟食
湯底未嚟之前可以先去自助區到拎熟食，我哋就拎咗黃金炸魚皮同麻辣雞腎，魚皮炸得好香脆，亦好香咸蛋黃味，麻辣雞腎好香麻辣味，雞腎亦好好咬口👍
🔸湯底
我哋今次簡咗鴛鴦湯底，包括金寶湯系列嘅蕃茄羅勒湯底同埋檳城喇沙湯底。蕃茄羅勒湯好濃蕃茄味，酸酸甜甜非常之開胃，喇沙湯底就比較重椰奶味，亦都有少少辣，不過十分之惹味🤣
🔸精選肉類
$238呢個plan多咗幾款肉可以叫，我哋每款都有叫嚟試吓🤣牛脷心托第一次食，食落似薄身嘅牛脷，口感好爽好彈牙，輕輕鬆鬆食哂一盤😋封門柳就最重牛味，切得都較薄身所以食落唔會好韌，將封門柳放入蕃茄湯底好夾，酸酸哋嘅蕃茄味更能突出封門柳嘅牛味🤩美國安格斯精選牛板腱就比較大片，肉質好juicy，都係必食之選。西班牙粟飼豬肥瘦好平均，非常出色👍
🔸海鮮
打邊爐梗係要食吓海鮮，今次就叫咗鮮蝦串，一份有六串，鮮蝦大大隻，十分鮮甜，肉質好彈牙唔霉，另外都叫左沙白，放左沙白落去淥之後個湯底變得更甜，沙白無沙亦都好大隻好鮮甜。
🔸丸類
平時打邊爐都唔會食太多丸類，不過一鍋堂嘅手打丸類好出名，所以都叫咗好多款丸類試吓🤣手作珍寶蝦丸勁大粒，仲要啖啖蝦肉，黑松露墨魚滑好香黑松露味，墨魚滑都好滑好彈牙👍其他丸類包括手打潮州魚蛋、流心魚蛋、鮮蝦雲吞都好出色🤩
🔸蔬菜類
各式蔬菜一應俱全，我哋就叫左娃娃菜同唐生菜，娃娃茶索哂湯底精華勁好味，唐生菜就好爽口。除此之外，我哋仲叫咗金菇、生根、響鈴，全部都好高質👍
🔸其他火鍋配料
鴨血都係打邊爐必叫之選，一鍋堂嘅鴨血好香濃，非常之嫩滑，入口即溶，而且非常實正唔會一夾就散。我哋仲叫左胡椒麵，呢款麵都係第一次食，麵身比較粗同埋彈牙，亦有少少胡椒味，都幾特別。仲有好滋補嘅花膠😍
張貼
