萬麗咖啡室 (裝修中)

朋友生日，當時要食buffet幫佢慶祝，咁啱係某旅行網有買一送一優惠，每人平日除開都唔使300元，由12:00食到2:30,當然要試下。未夠鐘已經好多人排隊入場，入到去唔好以為平日無咩人，錯啦，9成幾滿座! 我地嗱嗱聲去攞嘢食，海鮮有蟹腳，青口，海蝦，螺呢啲正常嘢，蟹腳就咸左啲，但又對得住呢個價錢。熟食以東南亞美食為主，都幾香口惹味，最值得試嘅係佢碗即煮嘅面，有叻沙，仲有唔少海鮮做配菜，非常唔錯。甜品就不過不失啦，雪糕加窩夫好食，整體唔錯，係一個唔錯嘅選擇!