茶舍 (儲金閣)

營業中

休息中

呢度嘅下午茶餐係主食配田園沙律或者薯條，加飲品，抵食。炸大雞髀 配薯條 $42嚟呢度食炸雞髀，佢即叫即炸，預10分鐘吧。雞髀本身好厚肉，炸完唔乾，仲好juicy！而且脆卜卜，好好味呀。氹仔風味豬扒包配田園沙律 @38覺得呢度啲麵包好正，咬落軟綿綿，烘過又帶點脆身，配埋豬扒一齊食，正！加上呢個豬扒包入面有蕃茄、生菜、沙律醬，食落整體又新鮮又啖啖肉，好食！香烤雞扒包 配薯條 $38另外仲叫埋雞扒包，雞扒本身已經醃好味，又厚身；雞皮亦煎到好香脆，忍唔住大啖大啖食🤭每個茶餐都跟田園沙律或薯條，所以揀晒兩款試一試先。田園沙律主打蔬菜，似意式沙律：有羅馬生菜、車厘茄、芝麻醬，啲菜好新鮮，想fresh d呢個沙律係不二之選。煉奶一口西多士 $32一客西多士有六大件，每件都係厚多士，所以好抵食。鍾意呢啲西多士有煉奶味得嚟又唔太甜，而且面頭炸得微脆，好香口，真係一件又一件接住食。即磨咖啡，邊飲邊聞到陣陣咖啡香，大推！檸檬茶底好香濃，一杯有4、5片檸檬，掂。