立鮨 (富達大廈)

營業中

休息中

朋友鐘意食立鮨成日講食物新鮮，佢仲話炸物都不錯，所以有時接佢收工都會去食壽司，今日去比較夜九點多不用等位就可直接入去。都係以手機下單，師父即時整出來。炸魷魚鬚的皮不會好厚身仲食到入面材料的彈牙感。之後就到食壽司時間，火炙牛油帶子壽司燒有少少牛油香配帶子再鮮甜點，北寄貝壽司新鮮仲食到幾彈牙。$9三文魚壽司食到這質素真心有驚喜，味道濃郁而油鮨都不錯。當然仲要食我最愛的火炙左口魚邊壽司，入口即溶感重，魚味火燒之後更香。之後出場係勁厚身口感勁軟熟的劍魚腩壽司和油甘魚壽司。本鮪赤身壽司味濃幾濃吞拿魚味但又不會好乾身。價錢總共$352，我哋2人輕食每人不用$200十分抵食同質素保持到新鮮好味。