101台式休閒餐廳 (青衣城2)

營業中

休息中

今日近近地簡左青衣城台灣野食，門口大大個101，超級易搵。晚市有好多套餐，有主食、小食同飲料。另外仲有火鍋同好多其他野食簡，最後中意蕃茄湯既我簡左台灣蕃茄牛肉麵套餐，小食簡左鹽酥雞，飲品要珍珠奶茶。蕃茄牛肉麵套餐 $86 牛肉麵好大碗，牛肉有4大舊，望落去已經好滿足😍湯底係濃濃既蕃茄湯，飲落酸酸甜甜好開胃。牛肉咬落鬆化唔會鞋口，好有肉味，讚👍🏻仲有好多舊蘿蔔，都燘得好淋，麵都好淋好入味。鹽酥雞一籃鹽酥雞有8-10大粒，炸到卜卜脆，肉質都幾實幾易入口，加埋辣粉非常惹味，keep住一路食唔停口！珍珠奶茶大大杯珍珠奶茶，珍珠咬口好好好彈，奶茶係台式奶茶，有淡淡香味，幾好飲。