小胖台灣便當 (偉華中心)

營業中

休息中

以前去台灣只需要兩個鐘，疫情之後想去旅行都唔得，真是這麼近那麼遠！早幾日去沙田行街，見到小胖台灣便當，真係忍唔住就幫襯咗！我喺門口睇完餐牌就決定幫襯，因為真係好抵食！我叫咗兩個餐，套餐包主菜 (飯/麵) + 飲品，當然唔少得梗係要食台灣小食啦！呢個係「士林鹽酥大雞腿便當」，超大雞腿，外賣到返屋企斬仲脆卜卜㗎！另一份就係「萬華網烤牛肉便當」，啲牛肉薄切好好食，仲有少少辣辣地添！我最鐘意小胖嘅便當係因為超多料，見到都覺得正！好多蔬菜配菜，連埋飯一齊食勁夾。講到台灣必吃小食，我哋就加咗兩份小食，「懷念鹽酥雞」+「梅香脆地瓜」，懷念鹽酥雞個名真係令人超懷念，好味道！梅香脆地瓜，梅香粉配地瓜真係勁夾，兩份小食都令人食唔停口。套餐包一款飲品，一定要試下「油切綠茶」，自家製冷泡茶，食完熱氣嘢飲返啖油切綠茶，好舒服。下次有機會一定會再帶兩個小朋友去食堂食。