新記煲仔雞粥 (已結業)

元朗嘅新記雞粥，遠近馳名，最近又來返呢度幫襯啦，依然係充滿人情味，地方雖小，但係勝在五臟俱全，食物嘅種類多好多，祝粉面飯，甚至連小炒，都依然充滿風味。既然佢係繼續出名，今次我叫咗嘅事豪仔繼續，一上枱啲粥好棉，雞好多，蠔仔嘅份量都唔少㗎，粥裏面充滿雞嘅鮮味，仲有豪仔嘅香味，果然一流，雞又大件又滑，而且完全食唔出係冰鮮雞，而且呢個價錢平靚正。見到佢呢度有多春魚，食粥送多春魚，唔係周圍都可以食到架，佢嘅多春魚新鮮炸起，而且條條多春魚都真係好多春架，而且唔會炸得太乾身，真係推介呀。XO醬炒蘿蔔糕，平時食粥煎蘿蔔糕，同埋蒸蘿蔔糕就食得多啦， XO醬炒蘿蔔糕真係好少見，但係佢嘅蘿蔔糕真係好好食，蘿蔔糕夾起唔會散，而且外面脆卜卜，裏面軟綿綿，充滿蘿蔔嘅香味， XO醬用料十足，又唔會太辣，用嚟送粥，別有一番風味。蝦腸，皮薄餡靚，而且鮮蝦十分之大隻，分量充足，點上甜甜嘅豉油，夠晒飽肚。