影片
更多
2022-06-07
1216 瀏覽
星期五當然要食好啲，所以約咗老婆去尖沙咀isquare間上海婆婆336試吓，太耐無試過堂食上海野了！入到去，發現餐廳裝修幾有特色，有工業風嘅感覺，果然係isquare嘅餐廳😯本身諗住isquare餐廳性價比唔會高，但估唔到依度嘅午市套餐真係好抵！我同老婆叫咗兩個餐，加一位雲吞雞，包埋前菜甜品都係三百幾蚊！本身仲諗住試埋佢嘅鮮魚湯酸菜魚，但兩個人應該會眼闊肚窄🤣肴肉：口感一流但唔膩，點啲醋做前菜好正👍🏻油炆竹筍：雖然叫做油炆，但入口一啲都唔油膩，反而脆口又夠香。酸辣湯正常雲吞雞湯好香金華火腿味，雲吞大大粒😝小籠包：依度嘅小籠包係傳統上海小籠包，皮唔會過厚，湯汁滿滿，肉味香濃，好滿足🤤檐檐面：湯底濃郁，麻醬香味十足，重點係佢個麵質真係好好！平時好怕食上海麵係一pat pat嘢，依度拉麵係手拉，所以爽口得嚟又掛湯，好好味！😮韭黃鱔糊配菜飯，鱔魚多到好似唔洗錢咁😂份量好夠，汁醬又夠香濃，韭黃夠鮮夠香，送菜飯真係一流！🤤👍🏻最後叫咗個冰粉同酒釀丸子，唔會過甜又可以幫手解膩，好味道！飲品我哋叫咗芒果奶同柚子茶，熱辣辣嘅天氣飲就最爽！👍🏻
入到去，發現餐廳裝修幾有特色，有工業風嘅感覺，果然係isquare嘅餐廳😯
本身諗住isquare餐廳性價比唔會高，但估唔到依度嘅午市套餐真係好抵！我同老婆叫咗兩個餐，加一位雲吞雞，包埋前菜甜品都係三百幾蚊！本身仲諗住試埋佢嘅鮮魚湯酸菜魚，但兩個人應該會眼闊肚窄🤣
肴肉：口感一流但唔膩，點啲醋做前菜好正👍🏻
油炆竹筍：雖然叫做油炆，但入口一啲都唔油膩，反而脆口又夠香。
酸辣湯正常
雲吞雞湯好香金華火腿味，雲吞大大粒😝
小籠包：依度嘅小籠包係傳統上海小籠包，皮唔會過厚，湯汁滿滿，肉味香濃，好滿足🤤
檐檐面：湯底濃郁，麻醬香味十足，重點係佢個麵質真係好好！平時好怕食上海麵係一pat pat嘢，依度拉麵係手拉，所以爽口得嚟又掛湯，好好味！😮
韭黃鱔糊配菜飯，鱔魚多到好似唔洗錢咁😂份量好夠，汁醬又夠香濃，韭黃夠鮮夠香，送菜飯真係一流！🤤👍🏻
最後叫咗個冰粉同酒釀丸子，唔會過甜又可以幫手解膩，好味道！
飲品我哋叫咗芒果奶同柚子茶，熱辣辣嘅天氣飲就最爽！👍🏻
張貼
