牛舞日本燒肉‧涮涮鍋放題 (1亞太中心) (已結業)

今日去觀塘工作，自己一個食晏，知道亞太中心有好多餐廳就諗住去嗰度食野，見到有一間牛舞好似幾吸引，就走咗上去試吓。餐廳佔咗全層，地方好大，座位都好寬敞舒適。午市都有燒肉及火鍋套餐，價錢豐儉由人，最平嘅$118，最貴的日本薩摩和牛套餐$288。除咗燒肉之外，仲有定食套餐，價錢都幾平，因為除咗定食之外，外面嘅任食區包括沙律、飲品及甜品都係任食！得我自己一支公，所以我都係叫咗個角切魚生飯就算～呢個魚生飯嘅魚生種類真心不少，有至少六至七種不同材料，材料新鮮，而且份量非常大，食完超飽！飲品放題水果及甜品都係任食。甜品當然唔能夠期望太高，不過呢個價錢絕對收貨！