戀 (太子集團中心) (已結業)

今日喺尖沙咀附近做完嘢就嚟到呢間戀到食個午餐啦 餐廳環境好靚 空間感夠晒大 而且彩光十足 我哋兩個人都被安排咗坐窗邊嘅四人卡位 非常闊落唐揚炸雞 外皮炸得夠香脆 入面夠晒入味 而且雞肉嫩滑 仲爆汁添 點買沙律醬一齊食唔錯嘅送酒小食芝士年糕 係我最愛嘅日式小食 同樣外面炸得夠香脆 年糕夠晒煙韌 入面嘅芝士仲係流心 奶香十足添午市定食 滑蛋豬扒特盛丼 滿滿嘅滑蛋鋪滿晒成個飯 炸豬扒雖然唔香脆，不過吉列炸皮都索晒醬油 豬扒夠晒厚身鬆化已經包咗麵豉湯 甜品係紅豆奶凍冷泡荔枝紅茶海老天婦羅 份量幾多 海老即係大蝦 入面肉質爽彈鮮甜無比 外面嘅天婦羅皮夠晒脆卜卜 而且一啲多餘油份都冇 點埋天婦羅汁一齊食 超夾