潤一潤甜品屋

營業中

休息中

住紅磡附近，最大既好處莫過於係周圍有好多甜品店，深夜肚餓或者朋友聚會散場前可以再去食返個甜品  潤一潤係我見過最多選擇既一間，中西冷熱甜品都有，而呢間甜品店最大既賣處，我諗係佢既刨冰同雪花冰  今次我就叫左個牛奶雪花，因為我剩係想食小丸子，所以就揀左個剩係可以選2款配料既，平d呀嘛！  如果鐘意食小丸子涼粉紅豆椰果既，可以揀牛奶四寶刨冰，食齊4款，但會貴少少  不過我都覺得係物超所值，大約30蚊就可以食到咁高既刨冰，仲要煉奶任加，真係好抵食！  另外，如果想食綿d既冰，可以食雪花冰，個人推介豆腐雪花冰，好有豆腐味，每款雪花冰都可以揀配料，同有水果伴碟架！