Tommy Yummy (康怡廣場北座)

營業中

休息中

係康怡開左一段時間，今日終於去食喇🥹之前都見過餐廳寄d leaflet比住戶我地一行三人，因為老人家唔係食好多野，見到個二人套餐C 都勁多野食 $398 叫住先，諗住唔夠再加，點知係勁飽仲有個咖哩要打包🤣🍴椰子南薑雞湯 雖然佢話二人份量，但我地三個人裝到六碗👍🏻味道鹹香 加左幾滴青檸汁，暖胃一流🍴泰式蝦球炒金邊粉 有成六、七隻蝦 大隻既 肉爽唯一美中不足就係啲蝦冇乜味🥹🍴招牌去骨泰式香草燒雞(半隻)雞肉嫩滑，每一吋肉都充滿香茅味🤤完全唔需要點汁👍🏻🍴馬拉盞炒椰菜苗呢個一開始食都覺得辣 但真係好惹味😎 推介 🍴椰香青咖喱雞配薄餅食泰國嘢，青咖喱係我嘅首選所以一睇到餐牌就唔使諗🤣不過咖哩只係微暖 再熱啲就好啦🫶🏻 份量超多 食到一半已經好飽 最後呢個要打包🍴芒果糯米飯 +$48 甜品係必須！ 芒果好甜😋亦有一球椰子雪糕糯米飯加左斑斕汁 不過就比較硬身甜品只屬OK，下次試埋佢奶凍先。🍴跟餐嘅泰式咖啡同埋椰子斑斕梳打咖啡香濃 梳打清新👍🏻整體用餐經驗唔錯💪🏼環境乾淨，待應哥哥有禮💚會再去幫襯。