Tommy Yummy (康怡廣場北座)

自從小妹媽媽手術後，就好似「坐月」咁，常常留在家中休養身體，近排聽到小妹媽話喺屋企食到有啲悶悶地，小妹立刻睇下附近有咩新餐廳開咗，原來樓下商場開咗間人氣泰式休閑Cafe ~ TOᗰᗰY YᑌᗰᗰY呢間泰菜位於《安金稻》旁邊，地方不算隱蔽，康怡廣場巴士站落車就會見到👏🏻餐廳配色十分泰，以淺啡、森林綠色、木🪵色及泰茶色作主要配色，環境都算唔錯！近日推出了夏日餐牌，仲有大熱的卷卷意粉系列😍卷卷意粉呢排真係好受歡迎呀，一定要叫嚟食😋😋「Summer Delights 」🧡啖啖肉燒香茅豬仔髀超抵食❣️兩件豬仔髀配烤香蒜及秘醬，用傳統泰式串烤方法，令肉質外脆內嫩😍經過烤焗過嘅蒜頭代替牛油，配搭起來有少少辣口增加層次感😚😚超推介🤟🏻🤟🏻🧡打拋肉碎煎蛋·蜆肉卷卷意粉人氣大熱卷卷意粉🍝終於都食到啦，食落先明白咁受歡迎的理由！意粉口感似食緊彈弓，勁過癮😆打拋肉碎及蜆肉有少少🤏🏻辣，辣吓喉嚨，令意粉十分惹味💕🧡雪映芒果原本諗住嘗試雪映西瓜🍉，可惜賣晒🥹轉咗飲芒果口味，奶蓋好香好滑唔太甜，就好似咬緊芒果芝士蛋糕🍰咁好味；芒果沙冰偏重奶，似芒果布甸，成杯都好好飲😋我諗西瓜實勁好味「Thai Classic」💚泰姬貴妃雞配秘製醬汁（半隻）貴妃雞版海南雞，超級正無骨㗎，不過某啲位的雞肉比較柴，有點遜色！「Dessert」🤎奶茶雪糕忌廉牛角窩夫奶茶雪糕及奶茶醬比想像中美味🤤只可惜，牛角窩夫有點兒失色，都係配番普通格仔窩夫🧇就最好🤭「Smoothie」💛椰香菠蘿飄雪小妹媽大讚飄雪好飲丫，香濃的椰子味配菠蘿的果酸味，媽媽本人不喜歡太濃稠的飲品，於是點了少冰及少甜，不過太多Cream，下次要走cream🫰🏻…查看更多

本來食開下午茶的肉碎煎蛋飯同埋牛肉船麵 但見到有新的鱸魚片冬蔭功麵就試試十分難食十分失望 講真全沒有味 湯底有顏色但又不辣 麵每一啖都沒有味道 魚也是很腥 我食了兩啖都真係食不下去 浪費了六十幾元 消費了但真係一肚氣講真 如果繼續這樣的食物質素 真的很快會結業被淘汰 加一也沒有服務 在康怡廣場其他食肆下午茶比你這間更便宜都有很多 但真的沒有一間這麼難食 我最終決定去買一個華御結飯團真係冇咁嬲 希望香港各大食肆用心製作 唔好讓消費者食完後悔 浪費時間和金錢…查看更多

今次嚟到太古康怡廣場食泰國嘢，價錢都相當公道。啖啖肉燒香茅豬仔髀 $49豬仔髀燒至外皮焦香微脆💥，肉質厚實飽滿。香茅醃料好份味，肉身帶微微煙燻香氣。骨肉輕易分離，仍然kepp到有肉汁💧，搭配酸甜燒烤醬更惹味。打拋豬肉碎煎雙蛋飯 $88非常鹹辣惹味，煎蛋煎至外緣焦脆，蛋黃保持流心🍳。所有撈勻真係好送飯，除咗肉碎仲有蔬菜粒，食起嚟更加有口感，而且唔會好辣，啱香港人口味😋。雲映香芒 $38底層係打到好綿密嘅芒果沙冰🥭，芒果嘅果味甜甜地好清爽，奶蓋好厚身又棉密。…查看更多

好早就已經想試呢間泰國菜，不過因為附近好多寫字樓，午餐時間成日爆場，好難有位。今日收工特登過嚟食晚餐，啱啱好門口有枱，即刻就安排入座，以星期五晚嚟講算係幾順利。坐低就見到佢哋有個二人套餐，價錢$298，已經包晒拼盤、蔬菜、小菜、主食同飲品，晚市嚟講真係抵食。叫完之後望下隔離枱，差唔多全部人都係叫呢個餐，係抵食首選。拼盤有串燒、雞翼串同魚餅，啱啱上枱熱辣辣，香味好吸引。蔬菜就揀咗椰菜苗，用蝦醬炒得好惹味，爽脆又唔會太鹹。小菜方面，我哋加咗$58揀冬陰功醬原條鱸魚，酸酸辣辣好開胃，魚肉新鮮滑溜，份量都幾足。主食就揀咗肉碎煎蛋飯，煎蛋邊位香脆，配埋肉碎同飯一齊食，好有層次。雖然成個餐都夠晒食，但都忍唔住加多個燒豬仔骨，聽講係佢哋新菜式嚟嘅，醬汁濃郁，肉質嫩滑，食落真係好惹味，成餐更加豐富。至於服務方面，侍應好有禮貌，落單加菜都好快，反應夠快，成個用餐過程舒服又流暢。總結嚟講，呢個套餐價錢合理，食物選擇多，味道有水準，加埋服務水準好，值得推介！…查看更多

🍉 雲映西瓜超幼滑粉紅色沙冰加上一層厚厚嘅奶蓋，加咗細細棵綠葉做點綴，造型超夢幻。真西瓜果肉味，清爽，唔會太甜，係食辣嘢時嘅完美救贖。🐷 啖啖肉燒香茅豬仔髀豬仔髀色澤好靚，外層微脆，以為口感會乾身啲，但食落原來入面仲保留住肉汁，同埋肉質都好嫩滑。伴碟嘅嘅泰式酸辣汁做得好惹味，開胃，為呢道啖啖肉嘅菜式增添咗清爽感。🍜 雞肉乾炒寬河粉估唔到碟河粉係有啲鑊氣，似係重火快炒炒出嚟。河粉係偏厚身款，但炒得唔會黏、唔碎，仍然保持到彈性。雞肉份量多，而且係嫩嘅、唔柴。配料加咗 玉米筍、菠菜、紅椒、甘筍絲，顏色好豐富，整體感覺比一般乾炒河粉乾淨健康同冇咁油。面頭灑嘅蒜碎令成碟變得更加香口。味道方面比較香醬香 加炒香味主導，食完唔覺滯，帶少少甜味調和，唔會太 heavy。…查看更多