Plato Cafe & Bistro (彌敦道) (已結業)

上個星期日又去油麻地呢間餐廳食飯，服務態度好好，環境地方舒服！事不宜遲，睇一睇餐單先，同樣地，一樣有優惠既dinner set for two，一樣都有散叫，有海鮮肉類，飯同意粉，仲有特飲，咖啡同甜品。我同女朋友就要一份二人套餐！前菜英式炸魷魚圈，新鮮熱辣，非常之香脆，同埋魷魚新鮮。餐湯，係忌廉粟米西湯，唔會太甜， OK滑。餐包，比較鬆軟，同熱辣辣好好食。香草燒法式春雞烤得非常之香脆可口，肉質唔會嚡十十，份量亦都充足，配菜亦都非常之好食。香煎帶子黑松露忌廉汁意大利粉非常之大碟同豐富，材料亦都比較多，帶子比較香，忌廉汁啱啱好，唔會太多太油。熱檸水熱檸茶，唔會有苦澀，酸甜適中。最後甜品就係Häagen-Dazs雪糕同埋芝士蛋糕，芝士蛋糕非常之香同幼滑，好有水準。