火五越式牛肉粉專門店 (華生樓) (已結業)

火五生熟牛肉檬粉 ($58)呢個係我既至愛，生牛肉鮮嫩，上枱時帶點粉紅；牛腩大件，不會靭口，入口即溶；湯底清甜，帶出淡淡的牛肉香氣，又不會過咸。最鐘意加埋佢既自家製醬料：辣椒醬、海鮮醬同XＯ醬，令湯底的味道多一個層次。火五麻辣酸菜牛丸檬粉($58)好少越南餐廳有麻辣湯底, 朋友喜歡食辣, 一於試試佢。湯底夠麻又夠辣、牛丸大大粒、彈牙爽口、份量大碗、如果想試新野的朋友, 可以試試佢呀.意大利黑醋汁蒜蓉牛油雞翼 ($58)越南餐廳必叫的小食吧!!!雞翼十分香口, 脆卜卜, 面層既蒜蓉同黑醋汁十分夾, 酸酸地咁, 真係好好味.飲品叫左提子梳打 ($19) 及 綠茶 ($10)總括而言，十分抵食，又大碗，環境乾淨，坐得又舒服，可再幫襯。