桂花小幸 (元朗廣場)

營業中

休息中

見元朗廣場新開左間台灣野，特登搵日放工去試下，閒日八點去到都要排左陣隊。間野既裝修台式風格，放左好多書同綠色既裝飾，環境都幾舒服，好岩同朋友去傾下計。閒日晚市餐牌都好多選擇，好多野都好想試，最後因為唔想食太飽我同朋友都叫左個牛肉麵，佢就叫紅燒湯底，另一碗貴十蚊就有埋麻辣湯。碗三寶麵好足料，牛腩好大舊，牛肚同牛筋都好多，食到好飽，但有少少失望係我以為我果碗麻辣湯底係煮過既麻辣湯底，原來係紅燒湯底另上一碟麻辣醬，但個醬都夠麻夠辣。野飲餐單都好多選擇。我地叫左兩杯芝士奶蓋茶，都好重芝士味，而茶底係茶包沖製，清清地既茶底配上濃郁既芝士奶蓋，味道岩岩好。食到好飽既麵加埋杯特飲，兩個埋單都係二百蚊，好抵食。