山景閣

營業中

休息中

今日一家大細約咗涼尖沙咀天文台道呢一間 酒店自助餐食晚飯 價錢唔貴如果有匯豐信用卡四百蚊唔使就可以有一位凍盤好多 而且有生蠔食 refill都好快 生蠔夠新鮮 又食到鹽水味 正 仲有好多刺身！熱盤種類繁多有芝士焗蠔 翠玉瓜豬頸肉 紅酒燴牛尾 連燉蛋都有 有一個師傅喺counter專門煎牛扒煮生滚粥畀你食 有蠔餅 炸沙甸魚等等炸物如果你鍾意食辣 可以有麻辣雞絲麻辣豬耳等等好大個沙律吧 亦都有唔少火腿揀 最正係甜品部有我最鍾意嘅 粟米椰汁糕 cheesecake brownie 等等嗰啲大路嘢 仲有朱古力噴泉 生果都有幾款西瓜好甜好正 蜜瓜菠蘿都好味！到咗八點 有好多特備節目 例如有師父親手整pancake食 仲有火焰雪山環節 即係一大嚿蛋糕臨酒再點火小朋友睇到好開心 雪糕方面有dreyer's同埋雪糕糯米糍dreyers比較少見嘅係紅豆味同埋三重朱古力味三重朱古力味其實有啲似黑朱古力較苦好正食咗三杯呢個價錢又有生蠔又有扒 食物亦都refill得好快收碟快會主動斟水畀你問你食得好唔好 啲位好鬆動 唔算迫 食物種類繁多 價錢又抵自助晚餐嚟講絕對係超值