泰特色泰國餐廳 (已結業)

泰國菜一向係我的至愛, 知道有間泰國菜有任食, 價錢唔貴, 午餐時段12點至2點都只係$68, 團購仲平$8, 可惜午餐時段已賣哂, $68其實當食個普通餐, 所以即管試試, 入座先付款買票, 環境普通, 一張長長的枱放滿食物, 另一邊枱就有中湯, 冬蔭公湯, 糖水及幾款自斟飲品, 其中有洛神花茶及奶茶, 奶茶就麻麻地, 冬蔭公湯好正, 夠熱又夠酸夠辣, 所以我都飲左三碗, 其他食物大部份都係一般野, 炸春卷, 咖哩角, 薯條, 薯餅, 蝦片, 雲吞, 蒜蓉包, 豬皮魚旦, 炒麵, 菠蘿炒飯, 蔬菜種類反而多, 賣相及味道都好, 有款豆腐好好味, 好滑, 主打有盤咖哩魚及青口, 中途就會出海南雞, 但要排隊由服務員配給, 總結算係抵食的, 但冷氣就有少少唔夠, 飲完碗湯就會流汗, 據我所知應詃每日有唔同的食物供應, 啱唔啱食就要睇彩數了.