金凱小廚 (已結業)

今日係大圍開完會，已經係傍晚時分了，同事就話不如一齊食晚餐，距知道附近有一間主打火鍋串燒雞煲餐廳，非常抵食😍。呢間餐廳就係「金凱小廚」，火鍋套餐連麻辣雞煲同每個人自選四款串燒，任食兩小時都只係$198！😋麻辣雞煲🐔雞煲一到，麻辣味已經飄左出黎，店員提醒只需炒幾分鐘就食得👍🏻，雞肉好大件又厚肉，好入味😋串燒拼盤🍢呢度既串燒好出色啊，係即叫即燒，黎到仲熱辣辣ga🤩。我地兩個人叫左香草羊架、安格斯牛肉粒、蒜蓉燒生蠔🦪、鹽燒鯖魚、蜜糖燒雞中翼同烤冬菇😋，孜然味好出，勁有大排檔feel😍！火鍋🍲湯底揀左花膠雞濃湯，有6、7塊花膠，好足料👍🏻👍🏻。同埋諗唔到$198任食火鍋竟然有三款牛肉選擇🤩，肥瘦適中，牛味濃郁，係encore之選😍。另外，仲有超過30款既火鍋配料任點，啤酒🍻汽水任飲🥳，好適合一大班朋友傾計食嘢！總體上黎講，金凱小廚有卡位位置，坐得好舒服；落單冇漏單情況，侍應都好有禮貌，野食又多選擇😋，下次一定再黎。