金記冰室 (創紀之城五期(apm)) (已結業)

今日唔想煮飯，就落咗樓下食茶記，金記簡直係我嘅飯堂，幾乎18區都有佢嘅分店，今日我就食好啲，食咗個鐵板餐，呢個鐵扒餐食到我好滿足，有牛扒雞扒豬扒煙肉腸仔薯條，真係大滿足，最神奇嘅係塊牛扒竟然好正，又鬆嫩，係大件夾抵食自選。而媽咪就揀咗個焗豬扒飯，呢個係好似焗豬扒飯，而且充滿芝士同蕃茄，撈埋啲汁食個炒飯底真係正到不得了，厚切豬扒再加埋上粉炸，撈埋蕃茄汁，真係滿足到100分。最開心係有晚市，都係加$3就已經有嘢飲。