影片
更多
2023-12-13
37 瀏覽
灣仔鬧市中抵食串燒居酒屋，結合日式串燒同川式燒烤，唔少款式竟然$10-$20就食到🤪！呢個價錢嚟講質素唔差，係同區居酒屋比較CP值好高$10款需要嗌2串起跳，但同一班朋友share就perfect😎-當中以鹽燒大海蝦 $10/串 最抵食！骨付腸蜜汁脆皮，咬落超爆汁，少少黑椒味紫蘇雞肉丸口感鬆軟濕潤，加埋淡淡紫蘇葉香味又幾夾，第一次食呢隻味唔錯金菇肥牛卷都可一戰，肥牛燒到逼出油脂充滿焦香，金菇爽口多汁，吸晒肥牛油香同甜甜燒汁，邪惡肥仔😈-除咗特價串燒，亦試咗幾款正價menu嘅燒物主食原隻魷魚筒大大條，上枱已聞到好香燒魷魚味，肉質都算彈牙唔霉，邊位焦脆，搽上甜甜燒汁，香口得嚟又唔會燒到太過乾身主食推薦蜀都炒飯，飯粒煙韌粒粒分明，乾身唔油膩，炒埋辣椒、蛋花、青椒、肉碎等，約三小辣，椒香惹味，鍾意食辣嘅朋友值得一試，不過份量就偏少-特飲推薦青檸話梅梳打，話梅味突出，唔酸反而甜甜地，幾有驚喜，柚子梳打就正常發揮-當晚嗌咗嘅串燒款式價錢參考👍🏻燒大海蝦 $10/串👍🏻日本雞骨肉腸 $10/串🔸燒炭燒雞腿肉串 $10/串👍🏻燒紫蘇雞肉丸 $20/串👍🏻燒金菇肥牛卷 $20/串👍🏻燒秘製牛仔骨 $20
呢個價錢嚟講質素唔差，係同區居酒屋比較CP值好高
$10款需要嗌2串起跳，但同一班朋友share就perfect😎
-
當中以鹽燒大海蝦 $10/串 最抵食！
骨付腸蜜汁脆皮，咬落超爆汁，少少黑椒味
紫蘇雞肉丸口感鬆軟濕潤，加埋淡淡紫蘇葉香味又幾夾，第一次食呢隻味唔錯
金菇肥牛卷都可一戰，肥牛燒到逼出油脂充滿焦香，金菇爽口多汁，吸晒肥牛油香同甜甜燒汁，邪惡肥仔😈
-
除咗特價串燒，亦試咗幾款正價menu嘅燒物主食
原隻魷魚筒大大條，上枱已聞到好香燒魷魚味，肉質都算彈牙唔霉，邊位焦脆，搽上甜甜燒汁，香口得嚟又唔會燒到太過乾身
主食推薦蜀都炒飯，飯粒煙韌粒粒分明，乾身唔油膩，炒埋辣椒、蛋花、青椒、肉碎等，約三小辣，椒香惹味，鍾意食辣嘅朋友值得一試，不過份量就偏少
-
特飲推薦青檸話梅梳打，話梅味突出，唔酸反而甜甜地，幾有驚喜，柚子梳打就正常發揮
-
當晚嗌咗嘅串燒款式價錢參考
👍🏻燒大海蝦 $10/串
👍🏻日本雞骨肉腸 $10/串
🔸燒炭燒雞腿肉串 $10/串
👍🏻燒紫蘇雞肉丸 $20/串
👍🏻燒金菇肥牛卷 $20/串
👍🏻燒秘製牛仔骨 $20/份
🔸鹽燒雞中翼 $20/串
🔸燒雞泡魚乾 $20/份
🔸蒙古羊肉 $68/5串
🔸草原肥牛 $68/5串
👍🏻汁燒原隻魷魚筒 $108
🔸麻辣鮑魚撈烏冬 $118
👍🏻蜀都炒飯 $108
👍🏻青檸話梅梳打 $36
🔸青檸柚子梳打 $36
-
味道：7/10
性價比：8/10
-
📍 #川燒 串燒·酒場
灣仔駱克道399號地舖
張貼
