1
1
🌟 雞軟骨串: 燒得微焦香脆，咬落帶嚼勁
🌟 雞腎: 調味充足又彈牙
🌟 雞皮: 燒到一啲都唔油，食落完全唔會理，好似薯片咁脆口
🌟 雞肝: 肉質滑嫩香濃，完全冇腥味！
🌟香燒臘腸: 第一次見串燒店會有臘腸，冇理由唔試！燒完嘅臘腸油脂同肉香好充足，配埋燒過嘅外皮邊，都幾好食！
🌟鹽燒厚切牛舌: 本身唔係幾鍾意食厚嘅牛舌，但係呢個又做得幾軟腍，唔會靭到咬唔開！
🌟燒豬腩肉: 肥瘦相間，鮮嫩多汁，估唔到燒出嚟竟然唔會乾，真係好驚喜😍
🌟炭燒豬頸肉: 配咗個泰式嘅醬汁，解咗豬頸肉嘅肥膩，而且好香嘅炭燒味！
🌟蜜糖味台灣腸: 腸仔燒到焦香，好食！
🌟煙肉荔枝卷: 煙肉包咗原粒嘅去核荔枝，煙肉嘅鹹香配上荔枝嘅清甜，一鹹一甜，原來都幾夾！
🌟娃娃菜:燒完之後吸收晒啲調味，好入味
🌟燒豆卜: 外皮燒到脆卜卜，入面軟腍腍！不過呢個真係要趁熱食！
🌟鹽燒海蝦: 做緊優惠，8蚊一隻真係好抵！而且唔會因為價錢咁平就比好細隻既蝦！我諗都有手掌咁長，而且肉質彈牙！
🌟泰式香辣蜆: 比起泰式香辣，我覺得佢更加似牛油蒜蓉蜆，個底仲有金菇索晒啲牛油蒜蓉味！蜆嘅份量都唔少，而且每一隻都係無沙！呢個食完真係想再叫多一碟黎食😍
🌟燒菠蘿: 超級甜，而且完全冇渣！而且面上面仲好似有一啲燒燶咗嘅焦糖，真係好好食😍
總括嚟講，呢間串燒店我絕對會encore！食咗咁多嘢都係五百幾蚊，真係捧住個肚走啊😍
1
25
