三人行燒烤店

營業中

休息中

夜晚好夜先收工唔知食咩好朋友就介紹左呢間係太子既串燒店比我串燒種類多，每樣都係即叫即燒熱辣辣咁上枱門口仲有大量錶位超方便-🥢肉類推薦必食爆汁雞皮，同平時食開嘅雞皮唔同，捲埋一卷一串三粒咁樣食爆曬汁😋 羊架大大個一啲都唔臊，台灣腸個外皮都燒到好脆🥰 🥢海鮮一定要食佢哋既燒蠔，隻蠔燒完都仲係大大粒又飽滿，蒜蓉既味道同隻蠔都好夾🥢蔬菜類原條茄子連埋蒜蓉一齊燒，仲有少少辣辣地勁入味勁好食！ 秋葵同娃娃菜都唔錯🥢朱古力香蕉第一次見串燒有得食朱古力香蕉！好奇心促使之下就嗌咗嚟試吓，店家都好好心咁開咗邊同切開一細舊，香蕉輕輕燒過竟然好食咗！食完鹹嘢之後食一個當甜品收尾就最啱🥢芝士薯條見到佢哋有餐牌上冇嘅新品芝士薯條就叫咗一個試吓，薯條炸到外脆內軟，入邊仲要唔係空心㗎！滿咗芝士粉，勁香口😍