影片
更多
2025-04-02
270 瀏覽
今日去左，九龍塘又一城花好月圓王家沙，原來佢重新裝修過，食物出色，價錢又唔貴，好扺食！麻醬雞絲粉皮呢個前菜真係開胃之選！粉皮夠晒滑溜，雞絲撕得幼細，麻醬香濃得嚟又唔會太膩，加埋青瓜絲，口感清爽，夏天食就啱晒！玫瑰露火焰蜜汁叉燒上枱時仲有火焰效果，夠晒吸睛！叉燒肥瘦適中，蜜汁香甜得嚟帶微微玫瑰露酒香，外層微焦，咬落去juicy！京蔥爆牛肉 配麼麼皮牛肉炒得夠嫩，京蔥爆香之後好惹味，配埋煙韌嘅麼麼皮一齊食，口感幾得意，有啲似食片皮鴨嘅感覺。上海擔擔麵湯底花生味濃郁，帶微微麻辣，麵條夠彈牙，撈勻啲醬之後每啖都掛到汁，好正！環境舒服，服務唔錯，菜式有心思，尤其係火焰叉燒同擔擔麵值得encore！適合同朋友或者屋企人慢慢嘆。下次想試吓佢哋嘅小籠包同醉雞～
麻醬雞絲粉皮
呢個前菜真係開胃之選！粉皮夠晒滑溜，雞絲撕得幼細，麻醬香濃得嚟又唔會太膩，加埋青瓜絲，口感清爽，夏天食就啱晒！
玫瑰露火焰蜜汁叉燒
上枱時仲有火焰效果，夠晒吸睛！叉燒肥瘦適中，蜜汁香甜得嚟帶微微玫瑰露酒香，外層微焦，咬落去juicy！
京蔥爆牛肉 配麼麼皮
牛肉炒得夠嫩，京蔥爆香之後好惹味，配埋煙韌嘅麼麼皮一齊食，口感幾得意，有啲似食片皮鴨嘅感覺。
上海擔擔麵
湯底花生味濃郁，帶微微麻辣，麵條夠彈牙，撈勻啲醬之後每啖都掛到汁，好正！
環境舒服，服務唔錯，菜式有心思，尤其係火焰叉燒同擔擔麵值得encore！適合同朋友或者屋企人慢慢嘆。下次想試吓佢哋嘅小籠包同醉雞～
張貼
