喺度做乜

營業中

休息中

呢間餐廳除咗間餐廳名好有玩味之外，嘢食都非常之抵食，每一日都會推出唔同嘅一蚊美食，逢星期一就係推出一蚊鮑魚，所以我今日可以淨係用一蚊就可以食到兩隻大鮑魚。佢食物方面都好好，每一個套餐都會跟餐湯餐包，同埋一杯是日飲品，而佢嘅每日飲品有凍有熱，而且每日都唔一樣。今次首先叫咗三文魚大啡菇蟹肉惹菌汁同埋一個肉眼黑醋意粉。大啡菇配搭蟹肉，令到個菇好有蟹蓋嘅感覺，底下仲會有南瓜蓉作為配搭。而佢嘅黑醋意粉非常之開胃食，令人食完一啖又一啖，至於個肉眼都好香。