SUN HARU

營業中

休息中

佐敦呢間韓國料理，價錢好相宜! 午餐時間黎到，都9成滿座! 一坐底，店員就會上伴菜，有韓式醃白蘿蔔同埋木耳。比較少食到木耳小菜，幾爽口同好香麻油味。 午市套餐大多都係70幾蚊就有! 如果諗唔到想食咩，又咩都想試下，建議可以叫便當! 便當包左無骨炸雞, 韓國粉絲同埋紫菜包飯，份量都幾多。無骨炸雞大大件，外皮好脆，雞肉都幾juicy¸配上芝士醬，好惹味。韓國粉絲好多配料，粉絲口感煙韌，加上大量蔬菜，有種天然既甜味。紫菜包飯好有韓式地道感，入面好足料。夏天一定要叫既一人水冷面套餐，除左水冷面，仲有得配蜜糖芥末炸雞。水冷面可以按個人喜好簡芥末醋，加左之後有少少辣，好解膩。水冷面夠曬凍，面條已經剪過，唔洗自己再剪。入面仲有泡菜，青瓜絲同埋雞蛋。呢到都有多款韓式飲品，熱蜂蜜生薑茶仲有得客制化，可以簡甜度，幾好。