牛牛日式火鍋放題 (北角匯二期) (已結業)

餐廳環境大, 一半位置都有玻璃窗好有空間感, 枱面闊落, 預設每人一爐, 亦坐得幾舒適。𓆹 北海道鱈場蟹日式紙火鍋 $𝟹𝟾𝟾湯底: 我地揀咗藥膳麻辣鍋同泰酸辣蝦鍋, 麻辣鍋入味但唔算太辣, 酸辣蝦鍋非常有泰式風味, 酸酸辣辣好開胃!牛牛四重蟹盛宴: 套餐附送紅帝王蟹腳, 松葉蟹腳茶碗蒸, 味噌松葉蟹膏甲羅燒同酥炸蟹鉗, 4款都好好食而且好驚喜! 帝王蟹腳肉厚鮮嫩, 茶碗蒸滑捋捋, 甲羅燒味道香濃而不膩, 蟹鉗非常酥脆!肉類: 有澳洲M6和牛, 美國極佳級牛小排, 美國頂級封門柳, 澳洲黑安格斯牛肩胛, 澳洲綠草原羊肩肉, 西班牙伊比利亞豬肉, 特選豚梅肉, 美國頂級牛肩胛同極上牛舌, 個人最鐘意牛小排同伊比利亞豬肉, 2款都爽嫩軟腍, 叫咗好多盤!海鮮: 有海扇貝, 紐西蘭青口, 越南鳳尾蝦, 嚴選紅魚柳, 明太子墨魚滑同嚴選鮑魚仔, 完全估唔到有連殼鮑魚, 非常新鮮!自助吧: 有不同蔬菜, 前菜, 飯類, 點心, 飲品同甜品可以無限飲同食, 款式都幾多。