韓閣 (新都城中心二期) (已結業)

今日老公要OT，等埋佢放工一齊去食飯，嚟到屋企附近嘅《韓閣》餐廳，抵食夾大件，生日月份去將軍澳/黃大仙分店，晚市消費滿 $500全單有85折，再送限定甜品同特飲，今期新推爆醬黑豚豬仔骨鍋，當然要試吓啦😋🥘爆醬黑豚豬仔骨鍋 $108（配原味蒜爆醬/BB辛辣爆醬 /超火辣爆醬）我哋揀咗BB辛辣爆醬，辣味適中，有個明火爐滾住，熱辣辣，豬仔骨大大件啖啖肉，連埋入面配菜一齊食，口感豐富😋😋🍳石鍋香煎煙鴨胸流心蛋飯 配特調黑松露車打芝士醬套餐 $142 +配🍹荔枝梳打 +$18 套餐包括（田園沙律🥗，忌廉蛋糕卷🍰，西檸雞鎚🍗）滿滿嘅田園沙律，雞鎚味道酸甜醒胃，石鍋飯先將隻流心蛋撈勻，好似食伴飯咁，煙鴨胸有肉香又有口感，正韓式雞肉炒粉絲 $68雞肉柔軟嫩滑，炒粉絲大大碟，粉絲入口煙韌彈牙，唔會黐埋一住，好滋味豬手（例牌） $98豬手口感煙韌彈牙，滿滿骨膠原，夾埋配菜醬汁一齊食，減少油膩感🥬炒雜菜$38雜菜鮮嫩爽脆，味道清甜，下飯一流🥚紫菜肉鬆蛋卷$68蛋捲飽滿，面頭勁多肉鬆同紫菜，加埋沙律醬係蛋卷入面，口感層次豐富📍韓閣 將軍澳欣景路8號新都城中心2期1015號舖