影片
更多
2021-09-20
16 瀏覽
難得去文苑街，發掘下有咩美食😊見到有間好新淨嘅外賣舖頭，見到有人㩒緊部機買嘢食，我都唔執輸😆老祖一人餐，$56一人餐其實係冇可能一個人食得晒，佢包一碗至少二磅重嘅西關瀨粉，一盒六大件嘅炸黑毛豬肉粽，仲有汽水，我自問都大食，都搞唔掂，我哋三個人仲叫咗三個餐，俾我哋嘅時候，我哋真係呆咗🤪早知單點點少嘅嘢，單點一碗大大份瀨粉都係15蚊咋。瀨粉個湯係比較杰嗰種，有啲似忌廉湯，同平時食嘅有啲唔同，粉有辣有唔辣，我哋兩種都要黎試吓，主要分別係會放辣嘅蘿蔔乾，記得要撈埋一齊食先最好味。炸粽都好有特色，切到一片片炸，但係又唔會散，中間係黑毛豬肉，非常脆，建議飲啤酒嘅時候食，正。老祖黑松露滋味餐，$48我哋另外叫咗兩份呢個餐，配咗極邪惡豬油撈飯，真係好邪惡呀😆不過食起身唔會覺得好油，相反，好香好好味，就咁撈飯都已經可以當一餐，又係多到你唔信。其餘小食我哋一個揀咗黑松露炒蛋，好滑好滑，黑松露都勁多，好香，攞嚟送飯或者單獨食都好味。另一份要咗芝士孖薯配黑松露醬，好鍾意食芝士薯條，加埋黑松露醬就更滋味啦😋好想知有冇人真係食得落呢個份量多到驚人嘅一人餐😆😆
老祖一人餐，$56
一人餐其實係冇可能一個人食得晒，佢包一碗至少二磅重嘅西關瀨粉，一盒六大件嘅炸黑毛豬肉粽，仲有汽水，我自問都大食，都搞唔掂，我哋三個人仲叫咗三個餐，俾我哋嘅時候，我哋真係呆咗🤪早知單點點少嘅嘢，單點一碗大大份瀨粉都係15蚊咋。瀨粉個湯係比較杰嗰種，有啲似忌廉湯，同平時食嘅有啲唔同，粉有辣有唔辣，我哋兩種都要黎試吓，主要分別係會放辣嘅蘿蔔乾，記得要撈埋一齊食先最好味。炸粽都好有特色，切到一片片炸，但係又唔會散，中間係黑毛豬肉，非常脆，建議飲啤酒嘅時候食，正。
老祖黑松露滋味餐，$48
我哋另外叫咗兩份呢個餐，配咗極邪惡豬油撈飯，真係好邪惡呀😆不過食起身唔會覺得好油，相反，好香好好味，就咁撈飯都已經可以當一餐，又係多到你唔信。其餘小食我哋一個揀咗黑松露炒蛋，好滑好滑，黑松露都勁多，好香，攞嚟送飯或者單獨食都好味。另一份要咗芝士孖薯配黑松露醬，好鍾意食芝士薯條，加埋黑松露醬就更滋味啦😋
好想知有冇人真係食得落呢個份量多到驚人嘅一人餐😆😆
張貼
