影片
更多
2018-05-27
283 瀏覽
上個星期去過科學園食野，我同女朋友都覺得環境唔錯，人少少好舒服，所以今個星期再黎搵吓嘢食，最後決定揀呢間酒樓。酒樓面積唔算好大，好在我哋早去，大概七點鐘嘅時候已經全部滿座。見到餐牌有個超抵食兩人海鮮九大簋餐，冇睇錯呀係兩個人都有九道菜！我哋就決定試一試！先來一隻紅燒乳鴿，塊皮炸得非常香脆，而且亦都好多肉，新鮮炸起仲係熱辣辣，好正。侍應差唔多見你食完，就會準備檸檬熱茶同埋濕紙巾俾你洗手，好貼心。再黎一碟清炒白菜。之後嘅海鮮就陸續送來。首先有椒鹽海水蝦，每人兩隻共四隻。炸過既蝦可以連殼食，而且椒鹽份量啱啱好唔會太咸。然後有豉椒炒花甲，足足有一大碟，蜆肉無沙又鮮甜，而且個汁唔會太辣。跟住有清蒸鮮鮑魚，厚肉但完全唔un。再有勁蒜蒸貴妃蚌，真係有好多好多蒜頭，其實可以撥走晒啲蒜頭，因為貴妃蚌本身已經好鮮甜。仲有清蒸海上鮮，今次係一條中size嘅倉魚，有魚味但唔腥，而且只有一條大骨好容易去，加埋熟油豉油正！之後就多重頭戲上湯龍蝦伊麵，有一大隻龍蝦開邊，好容易就可以成嚿龍蝦肉起出嚟，方便過平時斬開一嚿嚿。伊麵味道亦都煮得啱啱好。最後仲有一窩粟米紅蘿蔔海鮮湯，魚湯裏面加上蝦，蜆，粟米同紅蘿蔔，十分鮮甜
酒樓面積唔算好大，好在我哋早去，大概七點鐘嘅時候已經全部滿座。
見到餐牌有個超抵食兩人海鮮九大簋餐，冇睇錯呀係兩個人都有九道菜！我哋就決定試一試！
先來一隻紅燒乳鴿，塊皮炸得非常香脆，而且亦都好多肉，新鮮炸起仲係熱辣辣，好正。侍應差唔多見你食完，就會準備檸檬熱茶同埋濕紙巾俾你洗手，好貼心。
再黎一碟清炒白菜。
之後嘅海鮮就陸續送來。首先有椒鹽海水蝦，每人兩隻共四隻。炸過既蝦可以連殼食，而且椒鹽份量啱啱好唔會太咸。
然後有豉椒炒花甲，足足有一大碟，蜆肉無沙又鮮甜，而且個汁唔會太辣。
跟住有清蒸鮮鮑魚，厚肉但完全唔un。
再有勁蒜蒸貴妃蚌，真係有好多好多蒜頭，其實可以撥走晒啲蒜頭，因為貴妃蚌本身已經好鮮甜。
仲有清蒸海上鮮，今次係一條中size嘅倉魚，有魚味但唔腥，而且只有一條大骨好容易去，加埋熟油豉油正！
之後就多重頭戲上湯龍蝦伊麵，有一大隻龍蝦開邊，好容易就可以成嚿龍蝦肉起出嚟，方便過平時斬開一嚿嚿。伊麵味道亦都煮得啱啱好。
最後仲有一窩粟米紅蘿蔔海鮮湯，魚湯裏面加上蝦，蜆，粟米同紅蘿蔔，十分鮮甜。記得趁熱飲，因為凍左會有少少腥。
兩個人有九道菜，仲包括咁多新鮮海鮮，味道好之餘，免加一免茶介，仲要送飲品，
只係$438，真係諗唔到有咩理由彈，勁抵食！而且值得一讚係服務真心好好，侍應時不時就會主動去幫你換碟，收碟，仲會問下你對食物既意見，讚呀！
張貼
