諸勝堂

營業中

休息中

今日黎開西灣河，行過見到呢間諸勝堂。 齋睇個名覺得幾搞笑，似日本野，又有啲教會feel。 見佢出名食炒蛋同豬，即管入去試下。Lunch time都幾多人，要等左一陣位。 坐底阿姐好欣勤，快手又乾淨。 今日linch特餐係豬軟骨飯。 由於我對豬軟骨麻麻，了叫自家製海鮮XO醬肉眼豬扒飯加炒蛋。 黎到個樣好靚，估唔到咁大份。 三大塊豬扒，都幾厚。個炒蛋真係做得幾靚，炒得剛剛好，都好厚底下，估計用2，3隻蛋粉，果然係好日式。最重要唔係好油。豬扒大塊得黎唔硬，好爽tim。 佢個自家製豉油偏甜，但可接受。 最正就係佢個XO醬，真係好香，好野味。 配豬扒同飯一等。成個飯好夠份量，真係好飽。 最後再叫埋個熱奶茶，真係沖得好好，好滑，好香。 原來西灣河都有咁好既餐廳。