影片
更多
2022-02-28
107 瀏覽
凍冰冰，想食咗雞煲同烤魚成個禮拜，疫情嚴峻，堂食風險高，見到傷心酸辣粉做緊外賣抗疫套餐，小朋友先做選擇，所以我兩樣都叫咗🤤重慶麻辣雞煲（大）好大煲好足料同好多雞。我揀中辣，一煲熱，啲花椒八角紅洋蔥芫荽芹菜嘅香味出哂嚟。佢個麻辣都幾惹味，好夠麻同辣。我自己食雞煲鍾意有少少甜味，所以我落咗少少糖，個麻辣味同層次感更加突出。啲雞本身夠入味，肉質算幾嫩滑，啲雞髀雞翼特別好食，食完一件又一件，我屋企人仲攞啲雞煲汁撈飯。重慶香辣烤魚套餐 個烤魚要分兩個外賣盒先裝得哂，然後我要食完個魚尾，先有煲再裝個魚頭，你就諗到有幾大條。烤魚係即叫即炸，條魚個外皮炸得好鬆脆香口，浸左喺個重慶辣汁入面，魚皮都仍然挺身脆口，魚肉索哂個辣汁，好惹味好過癮。肉質都幾實淨但又唔鞋口，最緊要唔會煲到爛哂，魚腩位好肥美，食唔停口。呢兩個套餐都分別跟咗二人份量嘅肥牛、腸仔、墨魚丸、牛丸、蟹柳、生菜、雲耳同薯粉，食完啲雞同烤魚，打埋邊鑪，好滿足。開頭以為呢個價錢啲火鍋料一定麻麻哋，又唔係喎，肥牛質素合理，墨魚丸爽口，牛丸係朝汕嗰隻，入面有肉汁有牛油，而個薯粉煙煙韌韌，好好食。跟餐仲有啲紙包飲品，不過我自己屋企有嘢飲，所以冇飲到。整
凍冰冰，想食咗雞煲同烤魚成個禮拜，疫情嚴峻，堂食風險高，見到傷心酸辣粉做緊外賣抗疫套餐，小朋友先做選擇，所以我兩樣都叫咗🤤
重慶麻辣雞煲（大）
好大煲好足料同好多雞。我揀中辣，一煲熱，啲花椒八角紅洋蔥芫荽芹菜嘅香味出哂嚟。佢個麻辣都幾惹味，好夠麻同辣。我自己食雞煲鍾意有少少甜味，所以我落咗少少糖，個麻辣味同層次感更加突出。啲雞本身夠入味，肉質算幾嫩滑，啲雞髀雞翼特別好食，食完一件又一件，我屋企人仲攞啲雞煲汁撈飯。
重慶香辣烤魚套餐
個烤魚要分兩個外賣盒先裝得哂，然後我要食完個魚尾，先有煲再裝個魚頭，你就諗到有幾大條。烤魚係即叫即炸，條魚個外皮炸得好鬆脆香口，浸左喺個重慶辣汁入面，魚皮都仍然挺身脆口，魚肉索哂個辣汁，好惹味好過癮。肉質都幾實淨但又唔鞋口，最緊要唔會煲到爛哂，魚腩位好肥美，食唔停口。
呢兩個套餐都分別跟咗二人份量嘅肥牛、腸仔、墨魚丸、牛丸、蟹柳、生菜、雲耳同薯粉，食完啲雞同烤魚，打埋邊鑪，好滿足。開頭以為呢個價錢啲火鍋料一定麻麻哋，又唔係喎，肥牛質素合理，墨魚丸爽口，牛丸係朝汕嗰隻，入面有肉汁有牛油，而個薯粉煙煙韌韌，好好食。跟餐仲有啲紙包飲品，不過我自己屋企有嘢飲，所以冇飲到。
整體黎講，每個餐都係百零蚊，唔使自己買材料，炒香料，唔使切，唔使洗，唔使煮，一買返嚟，整番熱就食得，我覺得物超所值。
張貼
