影片
更多
2018-03-17
180 瀏覽
呢排回暖左好多，要抓緊冬天的尾巴，約埋好朋友打多次邊爐先。之前去過銅鑼灣既養心殿覺得好正，今次再戰旺角分店。一坐低都係揀左湯底先，今次都係揀左鴛鴦鍋，美人鍋拼養生窩。2邊都好足料，美人個邊係原隻烏雞湯，入面仲有大量桃膠，岩哂女仔飲呀。而養生窩係人參湯，充滿一條條人參，藥材味會比較重，飲完成身暖哂，最好係湯底入面已經有豆腐，索哂d湯好入味。飲住湯好快d食物都陸續到，先黎十二粒手工丸拼盤，一碟有六款，每款有兩粒，可以一次過試哂所有味道。手工丸粒粒都好彈牙。自己最鐘意係黑松露蝦丸，黑松露味好濃，而且蝦丸爽口有鮮味，值得一試。之後有打邊爐必點響鈴，夠脆而不油，索哂d湯正呀！打邊爐點少得牛肉啊，由於朋友同我都好鍾意食牛肉所以我哋要左兩款，首先有每日限量既手切牛肉。呢款牛肉味比較濃，而且厚度剛剛好，淥15秒度就已經食得。另一款係箱降肉眼肥牛，呢款既脂肪會多d，但同肉既比例都恰到好處，有肉味亦有油香，淥耐左都唔會鞋，而且捲起既牛肉片攤開每片都好大，抵食！之後要左碟翡翠絲瓜中和翻d肉類，好清甜，建議唔好淥太耐，保持翻爽口感覺。到尾聲有必叫既台灣特色食品寬粉條，完全將所有湯索哂，口感亦好特別，而且有一大
一坐低都係揀左湯底先，今次都係揀左鴛鴦鍋，美人鍋拼養生窩。
2邊都好足料，美人個邊係原隻烏雞湯，入面仲有大量桃膠，岩哂女仔飲呀。而養生窩係人參湯，充滿一條條人參，藥材味會比較重，飲完成身暖哂，最好係湯底入面已經有豆腐，索哂d湯好入味。
飲住湯好快d食物都陸續到，先黎十二粒手工丸拼盤，一碟有六款，每款有兩粒，可以一次過試哂所有味道。手工丸粒粒都好彈牙。自己最鐘意係黑松露蝦丸，黑松露味好濃，而且蝦丸爽口有鮮味，值得一試。
之後有打邊爐必點響鈴，夠脆而不油，索哂d湯正呀！
打邊爐點少得牛肉啊，由於朋友同我都好鍾意食牛肉所以我哋要左兩款，首先有每日限量既手切牛肉。呢款牛肉味比較濃，而且厚度剛剛好，淥15秒度就已經食得。
另一款係箱降肉眼肥牛，呢款既脂肪會多d，但同肉既比例都恰到好處，有肉味亦有油香，淥耐左都唔會鞋，而且捲起既牛肉片攤開每片都好大，抵食！
之後要左碟翡翠絲瓜中和翻d肉類，好清甜，建議唔好淥太耐，保持翻爽口感覺。
到尾聲有必叫既台灣特色食品寬粉條，完全將所有湯索哂，口感亦好特別，而且有一大碟，夠哂飽肚。
最後有免費甜品，可以揀雪糕或者雪芭，我哋都係揀咗雪糕，雪糕係獨立包裝，更加衛生，而且夠哂凍，岩哂打完邊爐㷫烚烚食降一降溫。
再一次嚟呢度都冇令我失望，湯底唔使講夠晒足料，好飲又補身，而且火鍋材料都好新鮮，真係會有再想來嘅衝動。
張貼
