喜膳燒

營業中

休息中

今次重遊舊地，主要都係欣賞呢間串燒店款式好多，而且味道出眾，所以再想嚟試吓其他串燒。〈蒜蓉燒蟶子皇〉🦂我都係第一次見咁大隻嘅聖子，雖然有用蒜蓉去燒，但都食得出聖子嘅鮮甜。〈燒馬來西亞大蜆〉🐚馬來西亞嘅大蜆睇落真係比較大隻，燒完之後都食唔到沙，新鮮之餘仲啖啖肉。〈燒紐西蘭羊架〉🐏🥩呢個價錢可以食到兩舊份量十足嘅羊架，真係性價比高，羊架啖啖肉之餘，完全冇濃烈嘅羊羶味，肉質軟淋，唔會好似咬緊柴咁。〈燒黑啤牛仔骨〉🐮🥩呢款牛仔骨係特厚，口到好似食緊牛扒咁，牛味好重，絕對係飽肚嘅選擇。〈燒芝士響鈴〉🧀🥖平時打邊爐嘅響鈴就食得多，但係將芝士放喺響鈴中間再拎去燒就真係第一次試，口感外脆內軟，食落都幾香口，值得一試。而其他推介嘅選擇包括燒和風墨魚丸🍢、牛油蒜蓉焗金菇🍄、燒蜜糖牛油粟米🌽、法式牛油蒜蓉焗田螺🐌。