串得起串燒專門店 (已結業)

越南什麼也好，友人說最失望是吃不到好味的羊肉﹗所以呢個星期三又走來串得起幫趁楊生﹗嘩，呢日真係好生意得不得了，成八九人要等位，好在有打來book位，唔係真係無得食﹗我不吃羊不過工友們是羊痴，每人叫了一件羊架及羊腩骨﹗我單是在旁聞到已頂唔順0的羶味，佢地一路食一路大叫超好食，羊肉軟身而香，羶味恰到好處，肉質鮮嫩燒得岩岩好不全熟而不黐牙，都好少見到工友一路吃一路笑，都知佢吃到自己喜愛的食物﹗串得起多左0的新燒物，試下佢個花鵰牛肉粒，牛肉比以前吃到的已有改善，但吃不到花鵰味......即時叫阿楊生埋來比0的意見佢，希望下次可以更好﹗吃牛還是牛仔骨穩陣，我一個吃了兩件呢﹗差不多全部食物都叫哂咁濟，芝士丸、墨魚咀、魷魚、土豆片、燒賣、雞尖雞腎，樣樣都燒得惹味好食，以前提過都不再講多次了﹗要試我第一次吃的鴨胸，味濃汁多夠香口，一客三件抵食﹗難得趣事係今天在這兒竟然相遇網友，楊生介紹大家飲下酒吹下水風花雪月七點竟然可以坐到成點先走人，次次做我地呢枱賴死唔走既客真係辛苦老闆了﹗