影片
更多
2018-07-23
188 瀏覽
今日同媽媽嚟到尖沙咀食午餐，突然好想食日本菜就揀咗Sushi Sora！入到去個feel唔同曬，設計好有風格，幽暗嘅設計俾人一種神秘感~睇吓佢午市嘅餐牌其實唔貴，仲有啲學生優惠，晚市有廚師發辦可以選擇。我就揀咗蒲燒鰻魚飯$128，而媽媽就揀咗西京燒銀雪魚飯$168。每個套餐都會有前菜、沙律同埋茶碗蒸。沙律菜非常新鮮，而且淋嘅醬汁係和風汁，感覺清新唔會好膩！茶碗蒸好滑，又有好濃嘅高湯味，入面有冬菇、雞肉同白果。我嘅鰻魚飯先到，有成五大塊，差唔多成條咁滯！鰻魚燒得得皮脆肉嫩，個皮脆得來帶點煙韌~~肉質好軟滑，可以一夾就裂開！日本米真係特別香，口感煙韌，鰻魚放上面，撈埋鰻魚汁一齊食真係正！食咗一陣媽媽嘅西京燒銀雪魚就來了～賣相好得啊！銀鱈魚用石盤載着，感覺燒得好香脆！食落肉質非常鮮味，外層真係燒到微脆，有陣特別嘅醬汁味，不過魚皮就唔脆喇，係煙韌嘅口感～最正係銀鱈魚本身嘅魚油香，每啖都係寶啊!!呢個份量就唔多，感覺就無鰻魚飯咁抵食，不過味道都係超正！最後仲有甜品或者咖啡揀，各要左一款。咖啡好香濃，有咖啡應有嘅苦澀，加上鮮奶變得奶滑！甜品係巨蜂提子啫喱，甜蜜的味道，為今餐畫上完美嘅句號。雖然甜品
入到去個feel唔同曬，設計好有風格，幽暗嘅設計俾人一種神秘感~
睇吓佢午市嘅餐牌其實唔貴，仲有啲學生優惠，晚市有廚師發辦可以選擇。
我就揀咗蒲燒鰻魚飯$128，而媽媽就揀咗西京燒銀雪魚飯$168。
每個套餐都會有前菜、沙律同埋茶碗蒸。
沙律菜非常新鮮，而且淋嘅醬汁係和風汁，感覺清新唔會好膩！
茶碗蒸好滑，又有好濃嘅高湯味，入面有冬菇、雞肉同白果。
我嘅鰻魚飯先到，有成五大塊，差唔多成條咁滯！
鰻魚燒得得皮脆肉嫩，個皮脆得來帶點煙韌~~肉質好軟滑，可以一夾就裂開！日本米真係特別香，口感煙韌，鰻魚放上面，撈埋鰻魚汁一齊食真係正！
食咗一陣媽媽嘅西京燒銀雪魚就來了～
賣相好得啊！銀鱈魚用石盤載着，感覺燒得好香脆！
食落肉質非常鮮味，外層真係燒到微脆，有陣特別嘅醬汁味，不過魚皮就唔脆喇，係煙韌嘅口感～最正係銀鱈魚本身嘅魚油香，每啖都係寶啊!!呢個份量就唔多，感覺就無鰻魚飯咁抵食，不過味道都係超正！
最後仲有甜品或者咖啡揀，各要左一款。
咖啡好香濃，有咖啡應有嘅苦澀，加上鮮奶變得奶滑！
甜品係巨蜂提子啫喱，甜蜜的味道，為今餐畫上完美嘅句號。
雖然甜品份量好少，但已經非常滿足，因為食完成個set都好飽！
整體感覺非常唔錯，店員親切有禮，不停地為客人添水，仲會係咁關心客人覺得好唔好食，有無地方需要改進，夠細心體貼！有機會再同朋友一齊嚟食～
張貼
