影片
更多
2020-02-04
679 瀏覽
長沙灣新開咗呢個麗閣商場， 以貨櫃碼頭作主題，幾有特色， 吸引咗唔少人過嚟呢邊打卡同食嘢。 夜晚想食啲家常小菜，於是就揀咗呢間荷里活冰室， 雖然openrice另外兩個食評都係負評， 但我自己其實覺得幾好食，價錢亦很貼地， 食物質素算係水準之上。我哋叫咗兩個65蚊晚市套餐， 分別係A11鳳梨咕嚕肉同A14口水雞。 65蚊套餐， 包哂白飯+老火湯+熱飲，同一道小菜， 非常抵食。最先上菜係兩碗老火湯，本身我係唔飲餐廳的湯的， 因為覺得充滿味精，但由於太凍， 就飲住嚟取暖，反而覺得呢間老火湯冇咩味精，湯幾有鮮味， 不過餐廳嘅湯應該唔多唔少都有落味精， 但佢相對其他應該少好多，值得讚揚。口水雞個人覺得唔辣，啲汁唔夠口水😂，但反而雞上面既 (麵豉醬？) ， 唔太肯定係咩嚟， 但配埋雞同埋啲汁，就好惹味好夾，好下飯。 而啲雞肉，從張相都可以睇到， 啲雞冇咩骨，而且雞肉幾滑幾嫩。至於咕嚕肉， 落咗單之後侍應話冇曬肉，就問我地轉做魚柳好唔好， 第一次食咕嚕魚柳， 比想像中好食， 本身唔鍾意魚柳嗰種腥味， 但佢炸完加上啲咕嚕汁， 完全食唔出腥味， 而且魚柳係即刻炸起， 好香口好好食， 口感都好似原本嘅咕
我哋叫咗兩個65蚊晚市套餐， 分別係A11鳳梨咕嚕肉同A14口水雞。 65蚊套餐， 包哂白飯+老火湯+熱飲，同一道小菜， 非常抵食。
最先上菜係兩碗老火湯，本身我係唔飲餐廳的湯的， 因為覺得充滿味精，但由於太凍， 就飲住嚟取暖，反而覺得呢間老火湯冇咩味精，湯幾有鮮味， 不過餐廳嘅湯應該唔多唔少都有落味精， 但佢相對其他應該少好多，值得讚揚。
口水雞個人覺得唔辣，啲汁唔夠口水😂，但反而雞上面既 (麵豉醬？) ， 唔太肯定係咩嚟， 但配埋雞同埋啲汁，就好惹味好夾，好下飯。 而啲雞肉，從張相都可以睇到， 啲雞冇咩骨，而且雞肉幾滑幾嫩。
至於咕嚕肉， 落咗單之後侍應話冇曬肉，就問我地轉做魚柳好唔好， 第一次食咕嚕魚柳， 比想像中好食， 本身唔鍾意魚柳嗰種腥味， 但佢炸完加上啲咕嚕汁， 完全食唔出腥味， 而且魚柳係即刻炸起， 好香口好好食， 口感都好似原本嘅咕嚕肉。
PS 麗閣商場入面仲有個food court area， 有好多好多小食店， 睇落有好多都好吸引，值得下次一試。
張貼
