EL CID西班牙餐廳 (已結業)

同一個一齊去過西班牙玩既好朋友慶祝生日，揀咗間西班牙餐廳食下午茶。唔知星期六既下午多唔多人，於是book定位。去到只係見到一、兩張枱坐咗人。我地入到門口，企咗喺度。一個後生女侍應見到我地，當睇唔到；佢冇其他嘢做緊架喎，繼續棟喺度。另外有個年紀大啲既serve緊人，唔得閒理我地。我地企咗一陣，行入啲，開聲問，嗰個女仔先有反應。叫了我最愛的西班牙奄列：我覺得裏面既薯仔略為過多，只係得好少雞蛋，面頭嗰層薄薄的。右面嗰碟係西班牙腸加蘋果：腸片味道咸咸地，味就幾好味，但薄得可憐，份量比較少。蘋果片得幾塊，但佢係配角都不足為過。我地一人叫咗杯冇酒精既嘢飲。我嗰杯（紅色）叫safe sex on the beach (冇酒精所以safe?lol)，個味道有啲似藥水。跟住再叫咗個芝士菠菜卷（左）：外面個皮好鬆脆，包住難捨難離既芝士同菠菜，好香口。西班牙火腿多士：其實食落唔多似西班牙火腿，反而似咗巴馬火腿，好肥。面頭有塊芝士，cum住塊火腿，而包上面搽咗少少蕃茄蓉，令入口感覺清新啲。睇落食咗好少嘢，但其實都吃得飽飽了。