新明苑海鮮酒家

營業中

休息中

未落波，梗係去飲茶啦食埋個點心先返工呢間酒樓，雖然係屋村酒樓，但係真係人頭湧湧。不過佢啲點心都幾出色，全部都係熱辣辣嘅。燒賣四粒全部都好飽滿，蝦肉爽滑，豬肉亦都唔會有好多肥膏，亦都唔會過咸！鳳爪同埋雞紥都OK，美中不足嘅係雞扎入邊竟然唔係豬肚或者係芋頭，將佢換咗做冬菇。冬菇雖然都厚身，但係雞紥入面擺冬菇就麻麻哋啦。😂整體感覺都OK，同埋佢冷氣超大但係就有好多麻雀，會飛入嚟，我覺得有少少影響係雀仔嗰種麻雀。